Өзбекстанда газ ҳәм электр баҳасы көтерилиўи күтилмекте

«Ўзтрансгаз» ҳәм «Ўзбекэнерго» акционерлик жәмийетлери ҳәзирги ўақытта экономика ҳәм финанс министрлиги менен биргеликте халыққа жеткерип берилип атырған газ ҳәм электр баҳасын неше процентке көтериў мүмкинлигин додаламақта. Бул ҳаққында бүгин, 3-октябрь күни болып өткен Халық аралық пресс клуб сессиясында мәлим етилди, деп хабар берди daryo.uz.

Атап өтилиўинше, газ ҳәм электр энергиясын жеткерип бериўши компаниялар халықтың түрли социаллық шәраяттағы қатламлары ушын бөлек-бөлек социаллық норманы да ислеп шығыўды режелестирмекте.

«Ҳәзир бул мәселелер Экономика министрлиги, Финанс министрлиги менен бирге додаланбақта. Бирақ электр тогының қашан ҳәм неше процентке көтерилиўи ҳәзирше белгисиз», - деген «Ўзбекэнерго» АЖ ўәкили.

«Ўзбекнефтгаз» АЖ басқарыў баслығы орынбасары Одил Темировтың айтыўынша, халыққа жеткерип берилип атырған газ баҳасы халыққа 289 сўмнан 320 сўм әтирапында көтериледи, экономика тармақлары системасындағы «Ўзбекэнерго», «Ўзкимёсаноат» кәрханаларына 600 сўм муғдарында жеткерип бериў мәселеси көрип шығылмақта.

Мағлыўмат ушын, Өзбекстанда тәбийий газ ҳәм электр энергиясы баҳасы сонғы мәрте 2018-жылдың 1-апрелинен көтерилген еди.

Сол ўақытта 10 метр куб тәбийий газ баҳасы 10 көтерилип, есаплағыш болғанда 2897,4 сўм етип белгиленген, 1 киловатт/саат электр энергиясы баҳасы болса 11,89 процентке көтерилип 228,6 сўмды қураған еди.

 

Аўдарма: makan.uz

скачать dle 10.6фильмы бесплатно



  • 3-10-2018, 16:28 |
  • 783