Металломға тапсырылған машина ийесине женилликли кредит бериледи

Автомототранспортларды утилизацияға тапсырыў бойынша Министрлер Кабинети қарары жойбары ислеп шығылды.

Өзбекстанда утилизацияға тапсырылатуғын автомототранспорт қураллары ийелери ушын жеңилилкли кредитлер ажыратыў жолға қойылыўы мүмкин. Бул жөнелисти тәртипке салыўшы ҳүжжет жойбары Министрлер Кабинети тәрепинен ислеп шығылды ҳәм Норматив-ҳуқықый ҳүжжетлер жойбарлары додалаўы порталына жайластырылды.

«Пайдаланыўға жарамсызлығы анықланған автомототранспорт қуралларын утилизация ҳәм бөлеклерин реализациялаўға байланыслы ис-илажлар ҳаққында»ғы қарары жойбары ишки ислер министрлиги тәрепинен ислеп шығылған.

Қарар жойбарына муўапық, "Ўзметкомбинат” АЖ Өзбекстан Республикасы Ишки ислер министрлиги менен бирге үш ай мүддетте утилизацияға тапсырылатуғын автомототранспорт қуралларын аймақларда қабыллаў тәртиби бойынша тийкарланған усыныс киритиўи белгиленген.

«Асака» акционерлик-коммерциялық банкине Өзбекстан Республикасы Финанс министрлиги ҳәм Ишки ислер министрлиги менен келисилген ҳалда утилизацияға тапсырылатуғын автомототранспорт қураллары ийелери ушын жеңилликли кредитлер ажыратыў тәртиби ҳаққындағы нызамды ислеп шығыў ҳәм тастыйықлаў усыныс етилген.

 

Аўдарма: makan.uz

скачать dle 10.6фильмы бесплатно



  • 2-10-2018, 11:52 |
  • 918