Орайлық банк 100 мың сўмлық купюраның шығыўы ҳаққындағы хабарларды бийкарлады

Орайлық банк 100 мың сўмлық купюраның шығыўы ҳаққындағы хабарларды бийкарлады

Өзбекстан Республикасы Орайлық банк ўәкиллери 100 мың сўмлық купюра айланысқа шығарылыўы ҳаққындағы хабарларды тастыйықламады, деп хабар берди kun.uz.

Орайлық банк ўәкилиниң мәлим етиўинше, бүгин Миллий баспасөз орайында Орайлық банк ҳәм «Қишлоққурилишбанк»тиң қоспа конференциясында қатнасқан қәнигелер тәрепинен берилген мағлыўмат рәсмий емес ҳәм ҳәзирги ўақытта Өзбекстанда ири номиналдағы банкнотаны айланысқа шығарыў режеси жоқ.

Конференцияда банкирлер Өзбекстанда пул алмаспайтуғынын айтып турып, бул пикирди «тез» арада 100 мың сўмлық банкноталар айланысқа шығарылыўы күтилип атырғаны» менен тастыйықлаған еди.

Оннан алдынырақ, сентябрь айы даўамында интернетте жаңа купюра сүўрети тарқалған еди. Еслетип өтемиз, усы жылдың апрелинде де интернет арқалы 100 мың сўмлық банкнота дизайни ҳәм сүўретлери тарқалған, сол ўақытта Орайлық банк рәсмийлери бул купюра сүўрети ҳақыйқый емес екенин айтқан, бирақ Өзбекстанда 100 мың сўмлық купюра айланысқа шығыўы итималын бийкарламаған еди.

Атап өтиў керек, Өзбекстанда 100 мың сўмлық банкнота шығарылыўы ҳаққында гәплер 2017-жыл жазында, 50 мың сўмлық банкнота айланысқа киритилиўи артынан басланған еди. Өткен жылдың сентябринде болса Орайлық банк бул хабарларды пүткиллей бийкарлады.

Мағлыўмат ушын, 2017-жыл бәҳаринде интернетте 10 мың сўмлықлар артынан 50 мың сўмлық банкноталар шығыўы ҳаққында хабарлар тарқалған еди, Орайлық банк бул хабарларды тийкарсыз мыш-мыш деп атаған еди. Бирақ, 2017-жылдың августында Орайлық банк 50 мың сўмлық жаңа купюраны айланысқа киритти.

 

Аўдарма: makan.uz

скачать dle 10.6фильмы бесплатно



  • 25-09-2018, 22:51 |
  • 246