Қарақалпақстан пилле жетистириўде биринши

Қарақалпақстан Республикасы мәмлекетлик пилле жетистириў режесин Өзбекстан Республикасында бириншилерден болып орынлады. Бул ҳаққында “Ўзбекипаксаноат” ассоциациясы хабар берди.

Соңғы жылларда пиллешилик тараўына үлкен итибар қаратылып, тараўды буннан былай да раўажландырыў мақсетинде Өзбекстан Республикасы Президентиниң ҳәм Министрлер Кабинетиниң арнаўлы қарарлары қабыл етилгенин атап өтиў орынлы.

Усы қарарлар тийкарында тараўда жаратылып берилген имканиятлар менен жеңилликлерден ақылға уғрас пайдаланған Қарақалпақстан Республикасының пиллекешлери усы жылдың бәҳәрги пилле бағыў мәўсиминде 550,2 тонна, жазғы мәўсимде 10 тонна ҳәм екинши жазғы мәўсимде 47,1 тонна гүмис талшығын жетистирип, пилле жетистириўде мәмлекетлик реже-тапсырмасын бириншилерден болып орынлаўға еристи.

Быйылғы жылы Республикада 11 (Төрткүл, Елликқала, Беруний, Әмиўдәрья, Хожели, Тақыятас, Шоманай, Қанлыкөл, Нөкис, Кегейли ҳәм Шымбай) районда 3-пилле жетистириў мәўсими аўызбиршилик пенен шөлкемлестирилип, жәми 937 қуты жипек қурты агротехникалық қағыйдаларға қатаң әмел еткен ҳалда бағылып, сапалы пилле жетистириў бағдарында бир қанша илажлар әмелге асырылды.

Бул бағдарда Өзбекстан Республикасы Президентиниң 2017-жыл 29-марттағы ПҚ-2856-санлы ““Ўзбекипаксаноат” ассоциациясы жумысын шөлкемлестириў илажлары ҳаққында”ғы қарары пүткил Өзбекстан Республикасында, соның ишинде, Қарақалпақстан Республикасында пиллешилик тараўында үлкен реформаларды әмелге асырыўда әҳмийетли ҳүжжет болды.

 

Қарақалпақстан Республикасы Министрлер Кеңесиниң Мәлимлеме хызмети

 

скачать dle 10.6фильмы бесплатно



  • 23-09-2018, 13:04 |
  • 148