UzCard монополиясына шек қойылмақта

Өзбекстанда миллий банклер аралық процессинг орайы шөлкемлестириледи. Бул ҳаққында Өзбекстан Республикасы Президенти Шавкат Мирзиёевтиң «Миллий төлем системасын раўажландырыў ис-илажлары ҳаққында»ғы 2018-жыл 19-сентябрь күни тастыйықлаған Пәрманында көрсетип өтилген.

Ҳүжжетке муўапық, орай төлемлер даўамлылығын тәмийинлеў, тараўға инновациялық өнимлерди тартыў, бар болған банк хызметлери ҳәм төлем хызметлери базарында бәсекини раўажландырыў мақсетинде шөлкемлестирилмекте.

Еслетип өтемиз, Өзбекстанда усы күнге шекем Бирден-бир улыўма республика процессинг орайы бар болып, оның төлем системасы сыпатында UzCard жумыс ислеп келген.

15-сентябрьде системада гүзетилген насазлық себепли Өзбекстанда пластик карталар арқалы төлемлер әмелге асырыў имканияты жоғалып қалған еди. Компания техникалық насазлықлар POS, E-POS терминаллары ҳәм АТМ-қурылмалары процессинг орайы менен байланыса алмай атырғаны себепли жүз бергенин мәлим еткен еди. Система қайта ислеп кетиўи ушын дерлик еки сутка ўақыт талап етилди, деп жазады «Халқ сўзи онлайн».

 

Аўдарма: makan.uz

скачать dle 10.6фильмы бесплатно



  • 20-09-2018, 09:59 |
  • 400