UzCard ислемей атыр. Системадағы насазлық қашан сапластырылады?

UzCard банклер аралық төлем системасын елеге шекем ислемей атыр. Системада 15-сентябрь күни саат 18:52де насазлық жүзеге келди ҳәм бул машқала еки күн өткеннен кейин де сапластырылмады.

Kun.uz хабаршысы UzCard системасы бирден-бир байланыс орайына қоңыраў етти. Ол жерден мағлыўмат берилиўинше, система еле ислемеген, иске түскенде қарыйдарларға SMS хабар жибериледи.

Соның менен бирге, оператор системасындағы насазлық бүгин, 17-сентябрь күни сапластырыўы мүмкинлиги ҳаққында мәлим етти.

UzCard системасы истен шығыўы Өзбекстандағы 18 миллионнан артық пластик карта қатнасығына тәсир көрсетеди. Орайлық банк мағлыўматларына қарағанда, 2018-жылдың январь-август айларында төлем терминаллары арқалы 39,2 триллион сўм пул түскен. Бул болса күнине орташа 160 миллиард, саатына орташа 6,7 миллиард сўм дегени.

Ҳәзирги ўақытта машқала себеби елеге шекем анық айтылмай атыр. UzCard тарқатқан мағлыўматта тек ғана орай қәнигелери тәрепинен системаны иске түсириў ушын барлық керекли ис-илажлар алып барылып атырғаны мәлим етилген. Пул қаржыларына тийисли барлық мағлыуматлар қәўипсизҳалатта сақланбақта, делинген UzCard’тың 16-сентябрь күнги хабарда.

 

Аўдарма: makan.uz

скачать dle 10.6фильмы бесплатно



  • 17-09-2018, 09:48 |
  • 942