Россияда жумыс ўақтында майып болған мигрантларға компенсация пулы төленеди

Россияда жумыс ўақтында майып болған мигрантларға компенсация пулы төленеди

Россияда жумыс ўақтында майып болған мигрантларға компенсация пулы төленеди
Россия мийнет министрлигинде Россия мийнет ҳәм социаллық қорғаў министри Максим Топилин ҳәм Өзбекистан мийнет министри Азиз Абдуҳакимов ортасында ушырасыў болып өтти.
Ушырасыў даўамында министрлер ҳәмде Россия социаллық қамсызландырыў фонды баслығы Андрей Кигим Россия ҳәм Өзбекистан тәрепинен 1994-жыл 9-сентябрьда қабылланған «Жумысшылардың мийнет мәжбүриятларын орынлаў менен байланыслы жарақатланыўы, кәсип кеселлиги ямаса ден саўлығына басқаша жарақатланыў менен зыян жеткени ушын компенсация пулын алыў ҳуқықларының өз-ара тән алыныўы ҳаққындағы келисим»ниң орынланыўын мониторинг етиў тәртибин тастыйықлады.
Мониторинг келисимниң 2- ҳәм 3-статьяларына муўапық қамсызландырыў тәмийнаты (зыянды қаплаў ушын төлем) алыўшы есапланыўшы ҳәмде Россия ҳәм Өзбекистан аймақларында турақлы жасаўшы шахсларға өткериледи.
Россия мийнет министриниң айтыўынша, мониторинг өткерилиўи жәбирленгенлерге төлемлерди өз ўақтында төлемди тәмийинлеўге имкан береди.
Жоқарыдағы келисим жумысшыға мийнетте майып болыў ямаса ден саўлығына жарақат жетиўи (атап айтқанда, жумысшының басқа тәреп аймағына көшип өткеннен кейин мийнет мәжбүриятларын орынлаў менен байланыслы ислеп шығарыўда бахытсыз жағдай себепли мийнет қәбилетиниң жоғалыўының басланыўы), қазаланыўы арқалы зыян жетиўиниң қапланыўы тәрептиң жумыс бериўшиси тәрепинен әмелге асырылыўын нәзерде тутады.
Жумысшыға зыян жетиўине жуўапкер жумыс бериўши өзиниң миллий нызамшылығына муўапық компенсация төлейди.
Кәсип кеселлигине ушыраған жумысшы бир неше тәреп аймағында кәсип кеселлигин келтирип шығарыўы мүмкин болған шәраятлар ҳәм тараўларда ислеген жағдайларда зыян көрсетилген жумыс ақырғы мәрте орынланған тәреп жумыс бериўшиси тәрепинен қапланады.
Министрлер сондай-ақ, Россия аймағында мийнет жумысын әмелге асырыў ушын Өзбекистан пуқараларының тәртипли тартылыўы ҳаққындағы ҳүкиметлер аралық келисим жойбарын додалады. Жойбар менен социаллық қамсызландырыў ҳәм мийнет мүнәсибетлери мәселелери тәртипке салынады.
Тәреплер социаллық-мийнет мүнәсибетлери тараўында бирге ислесиўди даўамлаўға келисип алды. Азиз Абдуҳакимов төмендеги жөнелислер: мийнет миграциясы, социаллық қамсызландырыў, мийнет қорғалыўы, мийнет нызамшылығына әмел етилиўин қадағалаў, социаллық-мийнет тараўында мәлимлеме системаларын жаратыў ҳәм Халық аралық мийнет шөлкеми конвенциялары қағыйдаларының әмелге асырылыўы бойынша тәжирийбе алмасыўға қызығыўшылық билдирилди. Бул ҳаққында kun.uz хабар берди.скачать dle 10.6фильмы бесплатно



  • 30-03-2017, 18:11 |
  • 216