Алимент төлеўшилердиң ҳәкимшилик жуўапкершилиги

Президентимиздиң усы жыл 9-январьда «Өзбекстан Республикасының айырым нызам ҳүжжетлерине өзгерис ҳәм қосымшалар киргизиў ҳаққында»ғы Нызамы шықты.

Нызамға бола, Жынаят, Шаңарақ ҳәм Ҳәкимшилик жуўапкершилик ҳаққындағы кодекслерде белгиленген алимент мәселесине байланыслы қағыйдаларға өзгерислер киргизилип, жаңа статья менен толықтырылды. Атап айтқанда Ҳәкимшилик жуўапкершилик ҳаққындағы Кодекс­те (кейинги орынларда Кодекс деп жүритиледи) ер жетпеген ямаса мийнетке жарамсыз шахсларды ҳәм де ата-ананы материаллық жақтан тәмийинлеўден бас тартқаны ушын ҳәкимшилик жуўапкершиликти белгилеўши 474-ҳәм 475-статьялары менен толықтырылған болып, сол қағыйдалар нызам күшине киргеннен баслап 6 ай өтип, яғный, усы жылдың 11-июль сәнесинен баслап әмелиятқа енгизилиўи белгиленген.

Сол мүнәсибет пенен Өзбекстан Республикасы Бас прокуратурасы қасындағы Мәжбүрий орынлаў бюро уйымларында бул бағдарда бирден-бир әмелиятты шөлкемлестириў мақсетинде мәмлекетлик орынлаўшылар тәрепинен ис жүргизиўиндеги алимент өндириўшиге байланыслы орынлаў ҳүжжетлериниң талапларын орынлаўдан бас тартқан шахсларды ҳәкимшилик жуўапкершиликке тартыў мәселесин шешиў белгиленген. Олар төмендегилерден ибарат.

Жынаят кодексине бола, материаллық жәрдемге мүтәж болған ер жетпеген ямаса мийнетке жарамсыз шахсты материаллық тәми­йин­леўден бас тартыў, яғный, оларды материаллық жақтан тәмийинлеў ушын судтың шешиўши қарарына ямаса судтың буйрығына муўапық өндирилиўи тийис болған алимент төлемлерди 2 айдан артық мүддетте төлемеген болса, оны ҳәкимшилик жуўапкершиликке тартыў мәселеси көрип шығылады. Бул  Нызамның 294-статьясында белгиленген. Егер де қарыздар Ҳәкимшилик ҳуқық­бузарлық ҳаққындағы исти көрип шығыўда қатнасыўдан бас тартқан болса Кодекс талапларынан келип шыққан ҳалда ҳәкимшилик судтың уйғарыўына тийкарланып, ишки ислер уйымы тәрепинен мәжбүрий алып келиниўи мүмкинлиги ескертиледи.

Және де Ҳәкимшилик жуўапкершилик ҳаққындағы Кодекске бола, алимент төлеўден бас тартқаны ушын 15 суткада ҳәкимшилик қамаққа алыў ямаса ҳәкимшилик қамақ қолланылыўы мүмкин болмаған шахсларға ең кем ис ҳақының 20 есеси муғдарында жәрийма салыўға себеп болады.

Шаңарақ кодексиниң 99-статьясында алдын ҳәр бир бала ушын өндирилетуғын алимент муғдары нызам ҳүжжетлери менен белгиленген ең кем ис ҳақының үштен бир бөлегинен кем болмаслығы кереклиги белгиленген еди. Жаңа редакцияда болса ҳәр бир бала ушын алимент муғдары нызамшылықта белгиленген ең кем ис ҳақы муғдарының 75 процентинен кем болмаған муғдарда белгиленди. 

Сондай-ақ, биринши мәрте ҳуқықбузарлық ислеген шахс, егер ол ҳәкимшилик ҳуқықбузарлық ҳаққындағы исти қарап шығыў процесинде алимент миннетлемелери бойынша қарыздарлықты ықтыярлы түрде төлеген болса, жуўапкершиликтен азат етиледи.

 

Р.МАТРАСУЛИЕВ,

Мәжбүрий орынлаў бюросы Қанлыкөл бөлими баслығының орынбасары, 2-дәрежели юрист.

 

Дерек: «Еркин Қаракалпақстан» газетасы

скачать dle 10.6фильмы бесплатно



  • 10-09-2018, 09:55 |
  • 872