Нөкис районы мәмлекетлик хызметлер орайы: 30 минутта мәмлекетлик дизимнен өтеди

Нөкис районы мәмлекетлик хызметлер орайы тәрепинен 2018-жылдың 6-айы даўамында жәми 2218 пуқара ҳәм исбилерменлик субъектлериниң мүрәжатлары қабылланды. Орайдан алыста жайласқан аўылларға барып халық пенен 57 ушырасыў ҳәм семинарлар өткерилди. 6020 шаңараққа үйме-үй кирип 3223 пуқара менен сәўбетлесиўлер өткерилди.

Сонғы ўақытларда исбилермен болып мәмлекетлик дизимнен өтиў тәртиби бойынша да бир қанша өзгерислер киргизилди. Мысал ушын, 2017 жыл 1-апрель күнинен баслап исбилерменлик субъектлерин автоматластырылған электрон системасы арқалы мәмлекетлик хызметлер орайлары тәрепинен мәмлекетлик дизимнен өткерилмекте. Бурын дизимнен өткериў ўақты 2 жумыс күнин талап еткен болса ал ҳәзир күнде 30 минут ишинде әмелге асырылады.

Нөкис районы мәмлекетлик хызметлер орайында тәрепинен исбилерменлик субъектлерин мәмлекетлик дизимнен өткериў бойынша 2018-жылдың 6 айы даўамында төмендеги жумыслар әмелге асырылды.

Атап айтсақ, юридикалық тәреп сыпатында 6 ай даўамында жаңадан 118, қайта дизимнен 81 жәми 199 кәрхана мәмлекетлик дизимнен өткерилди.

Жоқарыда атап көрсетилгенин дизимге алынған юридикалық тәреплерден өз шаңарақ ағзалары менен шаңарақ мүлкинен пайдаланылған ҳалда исбилерменлик пенен шуғылланыўшы жаңадан 9 шаңарақлық кәрханалар дизимге алынды. Ал, физикалық тәреп бойынша жаңадан жәми 66, қайтадан 15, жеке исбилермен жәми 81 пуқаралар  дизимнен  өткерилди. Шаңарақлық исбилерменлик пенен шуғылланыў ушын жаңадан 4, қайта дизимнен 3 шаңарақлық кәрхана мәмлекетлик дизимнен өткерилди.

 

Б.ӘЎЕЗОВ

Нөкис районы мәмлекетлик хызметлер орайы директоры

 

Дерек: Нөкис район ҳәкимияты

скачать dle 10.6фильмы бесплатно



  • 7-08-2018, 13:48 |
  • 354