Аўыл хожалығында жаңа инновациялық жойбар

Қанлыкөл районы мәжилислер залында Өзбекистан Республикасы Ҳүкимети, Бирлескен Миллетлер Шөлкеми Раўажландырыў Бағдарламасы (БМШРБ)  ҳәм Ийкемлесиў фонды менен биргеликте әмелге асырылып атырған  «Өзбекистанның қурғақшылық районларындағы фермер ҳәм дийқан хожалықларында климатлық турақлылықты тәмийинлеў» жойбары шеңберинде семинар болып өтти, деп хабар бермекте район ҳәкимлиги.

Семинарды «Нефтегазинновация» жуўапкершилиги шекленген жәмийети директоры Улуғбек Магаметов ҳәм «INTEXNOL» жуўапкершилиги шекленген жәмийети директоры орынбасары Музаффар Ирисметов өткерип, жана инновациялық жойбардың аўыл хожалығына тийгизетуғын унамлы ҳәм утымлы тәреплерин түсиндирип өтти. Инновациялық жойбарда, химиялық жол менен таярланған аўыл хожалығы ушын керекли болған гидрогель туўралы түсиниклер берилди. Гидрегельди пайдаланыў ушын өсип турған өсимлик тамыры менен алынып, оған гидрогель  сиңдириледи ҳәм қайтадан  егиледи. Егилгеннен соң өсимликтиң тамырындағы гидрогель жер қурамындағы суўды өзине сиңирип, өсимликти витамин ҳәмде керекли азықлықлар менен тәийинлеў қәсийетине ийе. 1 грамм гидрогель, 10 литрге шекем суўды сиңирип алады. Бул жойбар суў машқала болып атырған регионлар ушын оғада пайдалы есапланады.

Аўыл хожалығында жаңа инновациялық жойбар

 

Бул жойбар Бирлескен Миллетлер Шөлкеми Раўажландырыў Бағдарламасы (БМШРБ) офисиниң турақлылықты раўажландырыў бөлими,

экономикалық эффективлиликти, тәбийий ҳәм экологиялық системаларды бир қәлипке келтириў, мәдений ҳәм социаллық турақлылықты сақлаўды тәмийинлеўге көмеклесиў мақсетинде миллий ҳәм халықаралық шериклер менен бирге әмелге асырылмақта. Жойбар тийкарынан орайлық ҳәм жергиликли мәмлекетлик мәкемелерге жәрдем берип, өсимлик өсириў ҳәм шарўашылық пенен шуғылланыўшы фермер  хожалықларының ийкемлесиўине көмеклеседи.

Аўыл хожалығында жаңа инновациялық жойбар

 

Семинарға районлық фермер ҳәм дийқан хожалықлары баслықлары қатнасты. Жаңа жойбар бойынша бир қатар түсиниклерге ийе болғаннан соң өз пикирлерин ҳәм сораўларын берип, оларға жуўаплар алды.

 

Аўыл хожалығында жаңа инновациялық жойбар

 

скачать dle 10.6фильмы бесплатно



  • 28-07-2018, 18:46 |
  • 777