НМПИда «зам декан» 1500 доллар менен усланды

Өзбекстан Республикасы Бас прокуратурасы жанындағы Экономикалық жынаятларға қарсы гүресиў департаменти Қарақалпақстан Республикасы Басқарасы Қарақалпақстан Республикасы Прокуратурасы ҳәм Қарақалпақстан Республикасы Ишки ислер министрлиги хызметкерлери менен биргеликте пуқара С.А-ваның мүрәжатына тийкарланып өткерилген оператив илаж нәтийжесинде Әжинияз атындағы Нөкис мәмлекетлик педагогикалық институтының педагогика факультети деканы орынбасары П.Адылов усы институттың шет тиллери факультети 1-курс студенти А. Раметуллаев пенен бирге жынайый тил бириктирип, алдаўшылық жолы менен С.А-ваның қызы А.А-ваны Өзбекстан Республикасы Ишки ислер академиясына оқыўға кириўде усы инстиутта алынатуғын жазба имтиҳанлардан өткерип бериў ушын алдаўшылық жолы менен 1500 АҚШ долларын алыў пайтында усланды.

Болып өткен ис бойынша Департаменттиң Қарақалпақстан Республикасы басқарамасы тәрепинен П.Адылов ҳәм А.Раметуллаевларға Өзбекстан Республикасы Жынаят кодексиниң 168-статьясы 2-бөлиминиң «а, «б» бәнтлери ҳәм 28-211-статьяларының 1-бөлими менен жынаят иси қозғатылып, суд тәрепинен тийисли жуўапкершиликке тартылды.

 

А.Абибназаров,

Департаменттиң Қарақалпақстан Республикасы Басқарамасы оператив бөлиминиң инспекторы, 3-дәрежели юрист

 

Дерек: «Еркин Қарақалпақстан» газетасының 2018-жыл 28-июль күнги №94 (20180) саны.

скачать dle 10.6фильмы бесплатно



  • 28-07-2018, 14:39 |
  • 3 699