Бирден-бир порталда «ИНН» бериў хызмети иске түсти

Бирден-бир интерактив мәмлекетлик хызметлери порталында «Физикалық шахслар ушын СТИР* алыў ямаса СТИР мағлыўматларын өзгертиў» хызмети иске түсирилди. Бул ҳаққында Мәлимлеме технологиялары ҳәм коммуникацияларын раўажландырыў министрлиги баспасөз хызмети хабар берди.

Хызмет арқалы идентификалық номерлерди анықлаў, сондай-ақ, СТИР мағлыўматларын қысқа ўақыт ишинде өзгертиў мүмкин. Мүрәжат жиберилгенинен соң СТИР гүўалығы электрон көринисте почта мәнзилине усынылады.

Хызметтен пайдаланыў ушын паспорт нусхасы (прописка – жасаў орны мағлыўматнамалары менен) керек болады.

Мәмлекетлик салық хызмети органларында салық төлеўшиге идентификациялық номер (СТИР) бериў ямаса есап мағлыўматларына өзгерис киритиў ушын физикалық шахс:

1.Тийисли әмелди таңлайды (есапқа қойыў ямаса есап мағлыўматларына өзгерис киритиў);

2.Арза формасын электрон толтырады;

3.Сканерленген паспорт нусхасын жүклейди;

4.Турақлы жасаў мәнзили бойынша мәмлекетлик салық инспекциясына электрон арзаны жибереди.

Бул процесстен соң, 3 жумыс күни даўамында мәмлекет салық хызмети органларында есапқа қойылғаны бойынша гүўалықты электрон почта мәнзилинен алыўы мүмкин болады. Енди фамилия ямаса жеке паспорт мағлыўматларын өзгерткенлер СТИРди өзгертиў ушын салық комитети бөлимлерине барыўы талап етилмейди. Буннан кейин мағлыўматларды my2.gov.uz  арқалы ямаса мәмлекет хызметлери орайларына барып өзгертиў мүмкин.

 

*СТИР - салық төлеўшиниң идентификациялық номери, өзбек тилинде СТИР, рус тилинде ИНН.

 

Аўдарма: makan.uz

 

скачать dle 10.6фильмы бесплатно



  • 19-07-2018, 13:24 |
  • 484