Колледж ҳәм лицей оқыўшыларына электрон санлы имза гилтлери бийпул бериледи

Өзбекстан Республикасы Министрлер Кабинетиниң 2018-жыл 10-майдағы “Мәмлекетлик хызметлер орайлары арқалы мәмлекетлик ҳәм ҳожалық басқарыўы уйымлары, орынлардағы мәмлекетлик ҳәкимият уйымлары ҳәмде коммерциялық банклер тәрепинен көрсетилетуғын барлық түрдеги хызметлерден еркин пайдалыныўды тәмийинлейтуғын электрон санлы имза гилтиниң сертификатын бериў бойынша мәмлекетлик хызметлер көрсетиўдиң Ҳәкимшилик регламенти тастыйықлаў ҳақкында»ғы 348-санлы қарары қабыл етилди.

Бул Ҳәкимшилик регламенти менен Мәмлекетлик хызметлер орайлары арқалы электрон санлы имза гилтин дизимге алыў ҳәм электрон санлы имза гилтиниң сертификатын бериў ушын төлемлер ҳәм мәмлекетлик хызметлер көрсетиў мүддетлери қысқарды.

Ең тийкарғысы, бул тастыйықланған Ҳәкимшилик регламенти менен электрон санлы имза гилтин дизимге алыў ҳәм электрон санлы имза гилтиниң сертификатын бериў кәсип­-өнер колледжлери ҳәм академиялық лицей оқыўшылары ушын бийпул әмелге асырылыўы белгиленди.

Мәмлекетлик хызметлер орайлары арқалы электрон санлы имза гилтин дизимге алыў ҳәм электрон санлы имза гилтиниң сертификатын бериў мәмлекетлик хызметиниң мүддети 3 жумыс саатынан 40 минутқа қысқартылды.

Буннан тысқары, мүрәжаат етиўшилер мәмлекетлик хызметлер орайлары арқалы электрон санлы имза гилтин дизимге алыў ҳәм электрон санлы имза гилтиниң сертификатын бериў бойынша район (қала) Мәмлекетлик хызметлер орайларына өзи келген ҳалда ямаса Бирден-бир интерактив мәмлекетлик хызметлер порталы арқалы мүрәжаат етиўи мүмкин.

Сондай-ақ, Өзбекстан Республикасы Президентиниң 2018-жыл 5-июндеги ПФ-5456-санлы Пәрманы менен физикалық шахслар тәрепинен электрон санлы имза гилтин дизимге алыў ҳәм электрон санлы имза гилтиниң сертификатын бериў бойынша төлем баҳасы арзанластырылды.

Ендигиден былай физикалық шахслар электрон санлы имза гилтин дизимге алыў ҳәм электрон санлы имза гилтиниң сертификатын бериў бойынша бурынғыдай ең кем ис ҳақының 10 пайызы (18 430 сўм) муғдарында емес ал, 7 пайызы (12 901 сўм) муғдарында төлемди әмелге асырады. Басқа категорияларда төлем муғдары өзгериссиз қалдырылды.

 

Б. Даўлетмуратов

Шоманай районы Мәмлекетлик хызметлер орайы Мәмлекетлик дизимге алыў ҳәм рухсат бериўши ҳүжжетлерди рәсмийлестириў бөлими баслығы        
  

 

скачать dle 10.6фильмы бесплатно



  • 16-07-2018, 19:10 |
  • 235