Elektron múrájattıń ózgeshelikleri

Ózbekstan Respublikasınıń «Fizikalıq hám yuridikalıq shaxslardıń múrájatları haqqında»ǵı Nızamına muwapıq, múrájatlardıń awızeki, jazba yaki elektron túrler bar. Arzalar, usınıslar hám shaǵımlar múrájatlardıń túrleri esaplanadı. Múrájatlar olardıń forması hám túrine qaramastan birdey áhmiyetke iye boladı.

Búgingi nızamshılıq talaplarına kóre, elektron sanlı imza bolmaǵan jaǵdayda birden-bir interaktiv mámleketlik xızmetler portalında kórsetiletuǵın xızmetlerden paydalanıp bolmaydı.

Elektron múrájat elektron sanlı imza menen tastıyıqlanǵan hám elektron hújjettiń onı identifikaciya etiw imkaniyatın beretuǵın basqa rekvizitlarine iye bolǵan elektron hújjet túrinde bolıwı kerek.

Atap aytqanda, qanday da bir mámleketlik mákemege arza, múrájat, usınıs jiberiw ushın da Siziń shaxsıńızdı tastıyıqlaytuǵın, óz-ara isenimli birge islesiwdi támiyinleytuǵın elektron sanlı imzaǵa iye bolıw shárt. Usınnan kelip shıǵıp, búgingi kúnde múrájattıń nátiyjeli formalarınan biri sıpatında elektron múrájatlardı aytıwımız múmkin.

Házirgi waqıtta birden-bir interaktiv mámleketlik xızmetler portalı arqalı mámleketlik xızmetlerden paydalanıw ushın elektron múrájatlardı jiberiwde elektron sanlı imzadan paydalanıw májbúriy esaplanadı.

Elektron tártiptegi múrájatlardı elektron sanlı imza menen tastıyıqlaǵan halda aralıqtan qálegen waqıtta birden-bir interaktiv mámleketlik xızmetler portalı hám mámleketlik uyımnıń veb-saytına múrájatlardı jollaw múmkin. 

Ózbekstan Respublikasınıń «Elektron sanlı imza haqqında»ǵı Nızamınıń 3-statyasına muwapıq, elektron sanlı imza ­ elektron hújjettegi elektron hújjet málimlemesin elektron sanlı imzanıń jabıq giltinen paydalanǵan halda arnawlı ózgertiw nátiyjesinde payda etilgen hám elektron sanlı imzanıń ashıq gilti járdeminde elektron hújjettegi málimlemede qátelik joqlıǵın anıqlaw hám elektron sanlı imza jabıq gltiniń iyesin identifikaciyalaw imkaniyatın beretuǵın imza, elektron hújjet bolsa elektron túrde belgilengen elektron sanlı imza menen tastıyıqlanǵan hám elektron hújjettiń onı identifikaciyalaw imkanın beretuǵın basqa rekvizitlerine iye bolǵan málimleme esaplanadı. 

Hár bir fizikalıq yamasa yuridikalıq shaxs óziniń jeke elektron sanlı imzasın ózgelerge isenip tapsırmawı kerek. Kerisinshe jaǵdayda elektron sanlı imza arqalı siziń atıńızdan túrli nızamsız islep ámelge asırılıwı múmkin.

Sonı atap ótiw lazım, Ózbekstan Respublikası «Elektron sanlı imza haqqında»ǵı Nızamında elektron hújjettegi elektron sanlı imza qaǵaz hújjetke qolda ózi qoyǵan imza menen birdey áhmiyetke iye ekenligi belgilengen.

 

A.ORAZĺMBETOV,

Mámleketlik xızmetler agentligi Qaraqalpaqstan Respublikası basqarması Taqıyatas rayonı Mámleketlik xızmetler orayınıń bólim baslıǵı.

 

скачать dle 10.6фильмы бесплатно



  • 16-07-2018, 19:02 |
  • 45