Өзбасымшалық пенен қурылған турақ жайлар қалай меншиклестириледи?

Өзбекстан Республикасы Президентиниң 2018-жыл 20-апрел күнги «Пуқараларды социаллық қоллап-қуўатлаў бойынша қосымша ис-илажлар ҳәмде өзбасымшалық пенен қурылған турақ жайларға мүлк ҳуқықын бериў бойынша бир мәртелик акциясын өткериў ҳаққында»ғы ПФ-5421-санлы Пәрманы талапларын орынланыўын тәмийинлеў мақсетинде, Өзбекстан Республикасы Министрлер Кабинетиниң 2018-жыл 21-июнь күнги 461-санлы қарары бойынша пуқаралардың өзбасымшалық пенен ийелеп алынған жер участкалары яки қурыў ушын рухсатнама алмастан қурылған турақ жайларға мүлк ҳуқықын бериў бойынша бир мәртелик улыўма мәмлекетлик акциясы дағазаланды ҳәмде пәрманның орынланыўы бойынша арнаўлы қарар қабыл етилип, көшпес мүлкке ийелик етиў ҳуқықын бериўши районлық комиссиялар шөлкемлестирилди.

Комиссияға район ҳәкиминиң санаатты раўажландырыў, капитал қурылыс, коммуникациялар ҳәм коммунал хожалығы бойынша орынбасары басшылығында районлық кадастр, қурылыс, әдиллик ҳәмде басқа тийисли мәкемелер ўәкиллери бириктириледи.

Өзбасымшалық пенен қурылған турақ жайларға мүлк ҳуқықын алыў ушын имарат жайласқан аймақтағы мәмлекетлик хызметлер орайы арқалы район ҳәкимине арза менен мүрәжат етиўи керек.

Арзаға төмендегилер қосымша етиледи:

-мүрәжат етиўшиниң паспорт нусқасы,

-мүрәжат етиўшиниң шаңарақ ағзалары ҳаққында ҳәмде жер участкасына ийелик еткен мүддети менен имарат қурылған ўақты ҳаққында пуқаралардың өзин-өзи басқарыў уйымларының мағлыўматнамалары,

Мүрәжат етиўшиниң жоқарыда көрсетилмеген мағлыўматларды, басқа ҳүжжетлерди талап етиў қадаған етиледи.

Сондай-ақ, комиссияға арза түскен жағдайда өзбасымшалық пенен қурылған турақ жай үйрениледи ҳәмде акт пенен рәсмийлестириледи.

Актлерде комиссия ағзаларының үйрениўлер жуўмақлары жазылады ҳәмде турақ жайға мүлк ҳуқықын бериў мүмкин яки мүмкин емеслиги көрсетиледи.

Егерде турақ жайға мүлк ҳуқықын бериў мүмкин болса, акт тастыйықланған күнниң өзинде мәмлекетлик хызметлер орайына мүрәжат етиўши бир мәртелик төлемди төлеўи ушын электрон тәризде есап бети фактурасы системасы арқалы жибериледи ҳәмде 4 күн ишинде ең кем ис ҳақының 5 есеси муғдарында бир мәртелик төлем әмелге асырылғанынан кейин мүлкти ийелик етиў жойбарына муўапық, 2 күн даўамында район ҳәкиминиң тийисли шешими қабыл етиледи.

Қабыл етилген шешими  нусқасы мәмлекетлик хызметлер орайы арқалы мүрәжат етиўшиге бериледи, мүрәжат етиўши басқа мәмлекетлик кәрханаларға бармастан бир мәрте арза жазыў ҳәмде пул төлеў ушын еки мәрте мәмлекетлик хызметлер орайына барады.

Өзбасымшалық пенен ийелик етилген турақ жайлар менен жер участкалары белгиленген мүлк ҳуқықын бериўши тийисли белгиленген талапларға жуўап берген жағдайларда ғана мүлк ҳуқықы бериледи.

Егерде мүлк ҳуқықын бериўде белгиленген талапларға жуўап бермеген жағдайда мүрәжат етиўшиге комиссия исши топары тәрепинен бийкарлаў бойынша хат таярланып акт нусқасы менен сол күнниң өзинде мәмлекетлик хызметлер орайына ҳәмде район ҳәкимине электрон система арқалы жибериледи.

Мүрәжат етиўши комиссия қарарынан наразы болған жағдайда бир мәртелик акция жуўмақланыўына шекем тийисли жоқары турыўшы комиссияға ямаса суд арза бериў ҳуқықына ийе.

 

Дерек: kanews.uz

скачать dle 10.6фильмы бесплатно



  • 12-07-2018, 23:40 |
  • 340