«Ўзбекконцерт» тойға баратуғын артистлердиң хызмет ҳақысын белгиледи

«Ўзбекконцерт» мәмлекетлик мәкемеси берген мағлыўматларға қарағанда, ас, той ҳәм юбилей илажларына баратуғын артистлердиң хызмет ҳақысын белгиленип, дизими исленди, деп хабар берди ЎзА.

Буннан гөзленген тийкарғы мақсет тойларды ықшамластырыў ҳәм халыққа жеңиллик жаратыўдан ибарат. Артистлер тәрепинен көрсетилетуғын хызмет баҳалары жеңилликли болып, мысалы, ас илажларын өткериў 500 мыңнан 800 мыңға шекем, той ҳәм юбилей илажларын өткериў болса 800 мың сўмнан 1,5 миллион сўмға шекем белгилеп қойылды.

Бул халықтың шәраятынан келип шыққан ҳалда белгиленди.

Тәжирийбе сыпатында Ташкенттеги Алмазар районы ПҲАЖ бөлиминде ендигиден былай нызамлы некеден өткен келин-күйеў ушын артистлерди дизимнен таңлаў имканияты жаратылды. Олар буйыртпа тийкарында бәнтлеўи мүмкин. Буның ушын арнаўлы стендлер шөлкемлестирилди.

Бул тәжирийбе өзин ақлай ма? Буны ўақыт көрсетеди, пуқаралардың қәлеўи ҳәм артистлердиң жуўапкерли қатнасы шешеди.

Пуқаралар өз илажларына бул дизимде келтирилген телефон номерлерине байланысып, артистлерди усыныс етеди. Бул дизим «Ўзбекконцерт» мәмлекетлик мәкемеси тәрепинен турақлы түрде қадағаланады ҳәм кеңейтип барылады. Дизим бүгинги күни тек ғана Ташкент қаласы ушын белгиленген болып, бир ай ишинде Өзбекстандағы барлық район ҳәм қалалар ушын жеңилликли түрде қәлиплестириледи.

 

Аўдарма: makan.uz

 

скачать dle 10.6фильмы бесплатно



  • 6-07-2018, 20:28 |
  • 840