Мəсликтиң кесири

Жолда ҳәрекет етип баратырған транспорт басқарыўшысы илажы барынша жол ҳәрекети қағыйдаларына әмел етиўге тырысады.

Деген менен, айырым ўақытларда жолаўшылар өмирине қәўип салыўшы мәс ҳалында транспорт басқарыўшы пуқараларда ушырасып турады.

Буған мысал ретинде Қ.Ж-овты келтирсек болады. Атап айт­қанда, ол усы жыл 23-февраль күни өзиниң танысы Б.Ж-овқа тийисли ВАЗ2121 маркалы, мәмлекетлик белгиси 95….. болған автомашинасын басқарып киятырғанда Шымбай районы И.Юсупов көшесинде Жол ҳәрекети қәўипсизлик басқармасы хызметкерлери тәрепинен иркилди. Қ.Ж-овты медицина көригинен өткерилгенде, оның спиртли ишимлик ишкени толық дәлилленди.

Бул ислеген ҳуқықбузарлығы ушын Қ.Ж-ов Өзбекстан Республикасы ҲЖҳКниң 131-статьясы 1-бөлими менен 1 жыл 6 ай мүддетке транспорт қуралын басқарыў ҳуқықынан айырыў, ҲЖҳКниң 135-статьясы 2-бөлими менен ең кем ис ҳақының 3 есеси муғдарында, яғный 516.720 сум жәрийма жазасы тайынланды.

 

Қайрат ҚЫПШАҚБАЕВ,

Шымбай районы ҳәкимшилик Судының судьясы жәрдемшиси.

 

Дерек: shimbay.rk.uz

 

скачать dle 10.6фильмы бесплатно



  • 5-07-2018, 14:28 |
  • 693