Электр тармақларына жалғаныў ҳәм есаплаў үскенелерин пломбалаў хызмети енди мәмлекетлик хызметлер орайы арқалы көрсетиледи

Өзбекстан Республикасы Президентиниң «Халыққа мәмлекетлик хызметлерин  көрсетиўдың миллий системасын түптен реформалаў ис-илажлары ҳаққында»ғы  2017-жыл 12-декабрдеги ПФ-5278-санлы Пәрманына муўапық ҳәм инженер-комуникация тармақларына жалғаныў бойынша мәмлекетлик хызметлерин көрсетиў системасын жәнеде жетилистириў мақсетинде Министрлер Кабинетиниң 2018-жыл 31-март күнги 256-санлы қарарына тийкар ҳәкимшилик регламенти тастыйықланды.

Регламентке тийкар электр тармақларына жалғаныў ушын юридикалық ҳәм физикалық шахслар техникалық шәрт алыў ушын, электр есаплаў үскенесин пломбалаў ушын мүрәжаат етеди. Регламент талапларына тийкар электр тармақларына жалғаныў ушын жалғанатуғын электр куўатлығы 20 квт қа шекем, ҳәм 20 квт тан жоқары болган категорияларға бөлинеди, мүрәжатшы жалғаныў керек болған электр куўатлылығын билиўи тийис.

Мүрәжәтши электр тармақларына жалғаныў ушын 2 түрли усылда мүрәжәт етиўи мүмкин.

1-Мәмлекетлик хызметлер орайларына өзи барған ҳалда.

 2-Бирден-бир интерактив мамлекетлик порталынан дизимнен өткен ҳалда.

Бул еки усылда да электрон имза талап етиледи. Электрон имзаны мәмлекетлик хызметлер орайына өз пуқаралық паспорты ҳәм флэшкарта менен барып алынады. Мәмлекетлик хызметлер орайындағы көрсетилип атырған хызметлерден пайдаланыў ушын электрон номерли имза талап етиледи, ҳәр бир пуқараға берилип атырған электрон номерли имза мүддети 2 жыл болып есапланады.

Мүрәжатшы мәмлекетлик хызметлер орайына келеди ҳәм орай қәнийгелерине электр тармақларына жалғаў керек болған имараттың кадастр ҳүжжетлерин усынады, мүрәжәтшиден электрон имза бар яки жоқлығы соралып жоқ болса жаңадан алынады, бар болса сол имзадан пайдаланылады. Электр тармақларына жалғаныў ушын (мүрәжатты көрип шығыў ушын ең кем айлық ис-ҳақының 10% муғдарында бажы талап етиледи), электр есаплаў үскенесин пломбалаў ушын (бийпул) сораўнамалар электрон тәрзде толтырылады ҳәм толтырылған сораўнама мүрәжатшының электрон номерли имзасы менен тастыйықланып электр тармақлары бөлимине жибериледи. Электр тармақлары бөлими мүрәжат келип тускен күннен баслап 3 жумыс күн ишинде техник шәртлерин ҳәм жойбарластырыў, қурылыс монтаж жумысларын алып барыў ушын өзлериниң коммерциялық шартнамаларын береди, мүрәжатшы техник шартлери келгенлиги ҳәққында орай хызметлери тәрепинен хабарландырылады ҳәм мамлекетлик хызметлер орайына келип техник шәртти алып кетеди.

 

Саламат Мырзабаев

Шоманай районы Мәмлекетлик

 хызметлер орайы бас қәнигеси

 

Дерек: shomanay.rk.uz

скачать dle 10.6фильмы бесплатно



  • 2-07-2018, 14:23 |
  • 625