Ҳүкимет физикалық шахслар Өзбекстанға бир айда бир мәрте алып кире алатуғын техникалар дизимин тастыйықлады

Өзбекстанда 1-июльдан баслап мәмлекет шегарасының автожол (жолаўшы), темир жол ҳәм дәрья өткериў пунктлери арқалы бажыхана төлемлери өндирилмейтуғын айырым товарларды алып өтиўдиң муғдарлы нормалары енгизиледи. Бул ҳаққындағы тийисли қарар 22-июнь күни Өзбекстан Министрлер Кабинети тәрепинен шығарылған.

Мәмлекет бажыхана комитети баспасөз хызмети мәлим етиўинше, бул қарар «нызамға әмел етиўши пуқаралар ҳәм ислеп шығарыўшы кәрханалардың мүрәжатларын есапқа алған ҳалда, республикамыздың экономикалық мәплерин қорғаў, жергиликли ислеп шығарыўшыларды қоллап-қуўатлаў, берилген жеңилликлерди қәте пайдаланыўдың алдын алыў» мақсетинде қабылланған.

Дизимнен тийкарынан хожалық техника буйымлары ҳәм офис техникалары орын алған болып, енди оларды 1 календарь айында шегараны биринши мәрте кесип өтип атырғанда тек 1 данадан алып өтиў мүмкин. Өнимлер дизими менен төменде танысыў мүмкин:

Холодильник;

Морозильник;

Кондиционер;

Кир жуўыў машинасы;

Шаң жутқыш;

Газ плитасы;

Электр плита;

Телевизор;

Микротолқынлы печь;

Духовкалы печь;

Электр гөш майдалағыш;

Утюг;

Фен;

Асхана комбайны;

Телефон аппараты, сондай-ақ, қол телефоны;

Компьютер техникасы;

Принтер ҳәм көп функциялы офис қурылмасы;

Планшет компьютер;

Ноутбук;

Асхана ыдысы.

Басқа бир қатар өнимлерге 1 күнлик шеклеўлер орнатылған, деп жазады «Газета.uz»:

Спиртли ишимликлер, соның менен бирге пиво – 2 литрге шекем, темеки өнимлери – 10 пачка, әтир ҳәм одеколонлар – 3 литр, зергерлик буйымлары – 65 граммға шекем.

Дизимде көрсетилген ҳәр қандай товар белгиленген норма ҳәм дәўирден артық алып өтилгенде орнатылған тәртипте бажыхана төлемлери өндириледи.

 

Аўдарма: makan.uz

скачать dle 10.6фильмы бесплатно



  • 24-06-2018, 08:48 |
  • 974