Республикамыздың барлық қала ҳәм районларда әдиллик бөлимлери жумыс баслады

Өзбекстан Республикасы Президентиниң 2018-жыл 13-апрельдеги «Мәмлекетлик ҳуқықый сиясатты әмелге асырыўда әдиллик уйымлары ҳәм мәкемелериниң жумысын түп тийкарынан жетилистириў илажлар ҳаққында»ғы 5415-санлы Пәрманы қабылланды.

Пәрманның қабыл етилиўи усы тараўдағы мәмлекет сиясатын жаңа басқышқа көтериў, 2017-2021-жылларда Өзбекстан Республикасын раўажландырыўдың бес тийкарғы бағдары бойынша Ҳәрекетлер стратегиясына муўапық және мәмлекетлик ҳуқықый сиясаты әмелге асырыўда әдиллик уйымлары менен мәкемелериниң жумысын түп тийкарынан жетилистириў мақсетинде тийкарғы он бағдарламаны белгилеп берди ҳәмде республика аймағындағы барлық районлар (қалалар) да әдиллик бөлимлери ашылды.

Районлық (қалалық) әдиллик бөлимлериниң тийкарғы ўазыйпалары етип төмендегилер:

ҳәкимликтиң ҳәм мәмлекетлик уйымлар менен шөлкемлердиң районлық (қалалық) структураларында нызамларды басқада нормативлик ҳуқықый ҳүжжетлерди қолланыў мәселелери бойынша мәсләҳәтлар бериў;

мәмлекетлик уйымлар менен шөлкемлер районлық (қалалық) структураларындың нызамлар ҳәм басқа да нормативлик-ҳуқықый ҳүжжетлердиң орынланыўын шөлкемлестириў бойынша жумысына методикалық басшылық етиў ҳәм муўапықластырыў;

қабыл етилип атырған нызамлардың нормативлик-ҳуқықый мазмун-мәнисин ҳәм әҳмийетин районлық структуралардағы орынлаўшыларға жеткериў, «Республика- ўәлаят-район-мәҳәлле» принципи бойынша угит-нәсият ҳәм халықтың ҳуқықый саўатсызлығын сапластырыў бойынша, соның ишинде ҳуқық қорғаў ҳәм суд уйымлары менен биргеликте илажларды әмелге асырыў;,

районлардың (қала) ҳәкимлери ҳәм халық депутатлары Кеңеслериниң қарарларын нызам ҳүжжетлерине, елимизде әмелге асырылып атырған реформалардың мақсет ҳәм ўазыйпаларына муўапықлығын экспертизадан өткизиў;

ҳуқықты қоллаў әмелиятын үйрениў ҳәм талықлаў, оның турақлығын ҳәм бирдейлигин тәмийинлеў бойынша усыныслар ислеп шығыў;

инсан ҳуқықларын қорғаў бойынша илажларды әмелге асырыў, өз ўәкилликлери шеңберинде физикалық ҳәм юридикалық шахслардың мурәжатларын көрип шығыў;

мәмлекетлик уйымлар менен шөлкемлердиң районлық (қалалық) структураларында ҳуқықый жумыслардың жағдайын мониторинг қылыў, сондай-ақ олардың юридикалық хызметлери жумысын муўапықластырыў, қадағалаў ҳәм методикалық тәмийинлеў нәзерде тутылған.

 

Тахтакөпир районлық әдиллик
бөлиминиң бас мәсләҳатшысы                                                             Р.Курбанов

 

Дерек: Тахтакөпир район ҳәкимлиги

 

скачать dle 10.6фильмы бесплатно



  • 19-06-2018, 15:09 |
  • 291