Муғаллимлердиң айлығы көтериледи ҳәм оларға да арзан үй-жай сатып алыў ушын жеңилликлер бериледи

Өзбекстан Республикасы Президентиниң «Халық билимлендириў системасындағы педагог хызметшилердиң социаллық дәрежесин еле де асырыўға байланыслы ис-илажлар ҳаққында»ғы қарар жойбары додалаўға қойылды, деп жазады Norma.uz.

Жойбарға муўапық, муғаллимлердиң абырайын еле де асырыў ҳәм оларды жасларға үлги дәрежесине көтериў мақсетинде бир қанша илажлар көрилиўи белгиленген.

Атап айтқанда:

- ең жақсы пән муғаллимлерин шет елге көнликпесин арттырыў ушын жибериў;

- Кәсиплик аўқамлары қаржылары есабынан елимиздиң тарийхый-мәдений орайлары ҳәм өзгеше тәбият орынларына саяҳатларды шөлкемлестириў;

- педагогларды мәмлекет сыйлықларына усыныўды санын көбейтиў, тармақта сыйлықлар санын көбейтиў;

- бир жылда бир мәрте кең көлемли бийпул медициналық тексериўден өткериў;

- санаторий-саламатластырыў мәкемелеринде дем алыўлары көлемин кеңейтиў;

- педагоглар әўладларының искерлигин кең ғалабаластырыў, олардың арасында таңлаўлар өткериў;

- жәмәәтлик таңлаў ҳуқықын есапқа алған ҳалда педагог хызметшилер ушын кийиниў стандартларын ислеп шығыў;

- педагог хызметшилерди олардың лаўазым ўазыйпасына байланыслы болмаған ислерге тартыўды қатаң қадаған етиў;

- арзан үй-жайлар қурылысы бағдарламасы шеңберинде үй-жай сатып алыўлары ушын узақ мүддетли жеңилликли ипотека кредитлерин бериў нәзерде тутылған.

Соның менен бирге, 2018-жылдың 1-сентябринен баслап улыўма орта билим бериў мәкемелериниң:

- жоқары класс муғаллимлери айлық ис ҳақыларын –24%ке,

- басланғыш класс муғаллимлери айлық ис ҳақысын – 10%ке көтериў усыныс етилмекте.

Буннан тысқары, басламашы, қәбилетли, оқыўшылары пән олимпиядаларында сыйлы орынларды ийелеген педагогларды  ең кем ис ҳакысының 3 ден 20 есесине шекемги бир мәртелик материаллық хошаметлеў тәртибин енгизиў режелестирилген.

Және бир әҳмийетли жаңалықлардан бири олардан артықша есабатлар ҳәм қосымша мағлыўматларды талап етиў әмелияты қатаң қадаған етиледи.

Директор фонды қаржыларын әшкаралық, айдынлық ҳәм әдалатлылық принциплери тийкарында жумсаў имканын бериўши жаңа тәртип ислеп шығылып, әмелиятқа енгизиледи.

Халық билимлендириў министрлигине билимлендириў мәкемелери кадрларының оқыў жүклемесин қайта көрип шығыў, тәлим-тәрбия сапасын арттырыў бойынша илажлар бағдарламасын ислеп шығыў ҳәм 2018/2019-оқыў жылынан баслап енгизиў тапсырылады.

Педагогика жөнелисиндеги жоқары оқыў орынларына қабыллаў процессинде абитуриентлер ушын тест сынақлары менен бирге бир пән блокы орнына дөретиўшилик имтиҳан киритилиўи мүмкин. Буннан тысқары, педагогика тараўындағы тәлим жөнелислерине мәмлекет гранты тийкарында қабыллаў квоталарын көбейтиў де усынылып атыр.

 

Жойбар өзгертилиўи, оған қосымша киритилиўи ямаса бийкар етилиўи мүмкин.

 

Аўдарма: makan.uz

 

скачать dle 10.6фильмы бесплатно



  • 15-06-2018, 13:42 |
  • 1 025