Әскерий хызметшилерге жеңилликли автокредит бериледи

Министрлер Кабинетиниң «Өзбекстан Республикасы Қорғаныў министрлиги әскерий хызметшилерин социаллық қоллап-қуўатлаўға байланыслы қосымша илажлар ҳаққында»ғы қарары қабылланды, деп жазады kun.uz.

Қарарға муўапық, Қорғаныў министрлигиң жаўынгерлик бөлимлери ҳәм жаўынгерлик тәмийнат бөлимлериниң офицерлерине ҳәм сержантлар ҳәм қатардағы әскерлер қурамының контракт бойынша әскерий хызметшилерине ҳәр бир әскерий бөлимнен жаўынгерлик ҳәм руўҳый-ағартыўшылық таярлықта ең өрнек көрсеткен 10 адамға шекем мәмлекетте ислеп шығарылған бюджет автотранспорт қуралын сатып алыў ушын жеңилликли кредитлер бериледи. Қосымша шәрти кеминде 6 ай хызмет еткен болыўы керек. Қарарда көрсетилген банклер «Ўзсаноатқурилишбанк» ҳәм «Халқ банки».

Кредит шәртлери:

Мүддети – 3 айлық жеңилликли дәўир менен 10 жыл;

Дәслепки төлем – сатып алынатуғын автотранспорт қуралы қунының 15%ти;

Процент ставкасы – кредит берилген сәнеде жыллық 7%.

 

Аўдарма: makan.uz

 

скачать dle 10.6фильмы бесплатно



  • 7-06-2018, 21:53 |
  • 967