Өрт қәўипсизлиги: Ҳәрекетти сезиўши  қурылма ойлап табылды

 

Өрт қәўипсизлиги: Ҳәрекетти сезиўши  қурылма ойлап табылды

 

Қарақалпақстан Республикасы Ишки ислер министрлиги Өрт қәўипсизлиги басқармасы хызмет ҳәм кәсиплик таярлықты шөлкемлестириў бөлиминиң инженери, лейтенант Султанбек Тәңирбергенов өрт қәўпинен ескертип туратуғын қурылма ойлап тапты.

Оның жумыс ислеў тәртиби ҳәрекет болған ўақытта иске қосылып, пуқараларға ескертиў бере баслайды. Яғный, пуқараларда өрт қәўипсизлигине болған реф­лексти пайда етеди.

Әсбап 5 бөлимнен ибарат болып, ҳәрекетти сезиўши датчик, даўыслы сигналды жеткерип бериўши микрофон, даўыслы сигналды жазыўшы чип, электр қуўатлылығын жеткерип бериўши батареялар, сыртқы орталықтан қорғап турыўшы кор­пустан турады.

Бул қурылма көп қабатлы жайлардың подъездлерине орнатылып, ол пуқараларды үйлеринен асығып шығып баратырғанда «Ҳүрметли пуқаралар, үйиңиздеги газ ҳәм электр қурылмаларын өшириўди умытпадыңыз ба!» ҳәм «Өрт қәўипсизлиги қағыйдаларына әмел етиң!» деген мазмундағы ескертиўши даўыслы сигналлар менен хабарландырып турады.

Лейтенант Султанбек Тәңирбергенов излениўшең, талапшаң жасларымыздың бири. Ол өртке қарсы профилактикалық жумысларды алып барыў мақсетинде ҳәрекетти сезиўши, өрттен хабарлаўшы, яғный, пуқараларды ескертиўши қурылманы ойлап тапты ҳәм де инновациялық идеясын әмелиятта сынап көрмекте, бул әсбап бүгинги заман талапларына сәйкес келетуғын үгит-нәсият профилактикасының таза түри болып есапланады.

 

 А.ДАВЛЕТОВ,

Қарақалпақстан Республикасы ИИМ Өрт қәўипсизлиги басқармасы баслығы, майор.

СҮЎРЕТТЕ: лейтенант С.Тәңирбергенов.

 

Дерек: «Еркин Қарақалпақстан» газетасы

 

скачать dle 10.6фильмы бесплатно



  • 23-05-2018, 19:13 |
  • 234