«Ўзбектелеком» уйқылап атырған гигантқа уқсайды. Өзбекстанда интернеттиң сапасы не ушын жаман?

 

«Ўзбектелеком» уйқылап атырған гигантқа уқсайды. Өзбекстанда интернеттиң сапасы не ушын жаман?

 

«Ўзбектелеком» уйқылап атырған гигантқа уқсайды. Өзбекстанда интернеттиң сапасы не ушын жаман?

 

«Ўзбектелеком» бас директоры Фарҳод Рўзиев #MITCROADMAP2018 конференциясы даўамында Өзбекстанда интернет пенен байланыслы машқалалар себеплери ҳаққында мәлим етти, деп жазады kun.uz.

«Ўзбектелеком» уйқылап атырған гигантқа уқсайды. Егер де биз сондай жақсы болсақ, неге интернет елеге шекем жаман жағдайда?! Өзбекстанда интернеттиң жаманлығына тәсир көрсетиўши бир қанша себеплер бар.

Бириншиден, бул бизиң георграфиялық жайласыўымыз. Бизге тек ғана еки халық аралық интернет хаб жақын аралықта – Москва ҳәм Гонконг. Олар менен де арада қашықлық жүдә үлкен. Бул жағдай да интернеттиң баҳасына тәсир көрсетиўи тәбийий.

Екиншиден, трафик жергиликлестирилиўи ушын орынлардың (точка) жоқ екени.

Пайдаланыўшының интернеттеги мүрәжати бир жөнелис бойынша жәҳанниң басқа орынларына шығып кетип, соң және қайтып келеди. Бул қымбат, нәтийжесиз, ҳәм узақ.

Кейинги себеп – қала ҳәм районлардағы инфраструктураның оғада гөнергени.

Инфраструктура СССР дәўиринен мийрас қалған. Көп жыллардан берли компанияларда инфраструктураны жаңалаў ямаса тез өзгертиў ушын имканиятлар жоқ.

Және бири – бизиң базар ҳәм абонентлер менен ислей алмайтуғынымыз. Абонентке керекли итибар қаратпаў көп ўақытлары административлик мәселелерге итибар ҳәдден тыс қаратып жибериў менен байланыслы болған.

Бирақ ҳәммеси өзгерип атыр. Егер алдын бул машқалалар ҳаққында айта алмаған болсақ, бүгин болса Президенттиң сиясаты себепли бул ҳаққында арқайын айтылмақта.

Бүгин биз 2020-жылға шекем көлемли реформалар ҳаққында мәлим етемиз. Буның шеңберинде компанияда структуралық реформалар болады. 2020-жылға шекем ўазыйпаларымыз: Өзбекстанда биринши санлы телеком операторға айланыў; мәмлекеттеги ең жақсы ис бериўшилер топ-10 лығына кириў; мәмлекетте ең алдағы мәмлекет компаниясына айланыў.

Биз 2018-жыл ушын «Жол картасы»нан баслаймыз. Миллий оператор алдында енди республика көлеминдеги бир қанша ўазыйпалар тур, өзгерислерди change.uztelecom.uz сайты арқалы арнаўлы есаплағыштан билип барыў мүмкин болады», - дейди Рўзиев.

Еслетип өтемиз, алдынырақ Фарҳод Рўзиев абонентлер бир неше жылдан берли усынылып атырған хызметлер сапасынан наразы екенин мәлим еткен еди.

 

Аўдарма: makan.uz

скачать dle 10.6фильмы бесплатно



  • 22-05-2018, 14:55 |
  • 497