Туўылғанлық ҳаққындағы гүўалық өз ўақтында алынбаған болса не ислеў керек?

Базы бир жағдайларда, финанслық қыйыншылық, итибарсызлық, ата-ананың ҳүжжетлери (паспорт, неке гүўалығы)ның жоқлығы ҳәм т.б себеплер болғанлықтан туўылғанлық ҳаққындағы гүўалық ўақтында алынбайды. Бул жағдай келеси ўақытта бала ушын напақа алыўда, пуқаралықты белгилеўде, оны бақшаға, мектепке бериўде машқалалар, әўерегершиликлерге себеп болады.

Бундай жағдайда не ислеў керек?

 

1-жағдай бала туўыў үйинде туўылған болса.

Бунда, ата-ана жасап атырған ямаса бала туўылған орындағы Пуқаралық ҳалаты актлерин жазыў (ПҲАЖ) органына төмендеги ҳүжжетлерди қосымша етип арза бериўи лазым:

 - ата-ананың паспорты;

 - баланың туўылғанлығы ҳаққында медициналық мағлыўматнама (усы мағлыўматнама соралған күни туўыў үйи тәрепинен усыныс етиледи);

 - баланың ден-саўлығы ҳаққында мағлыўматнама (поликлиникадан алынады);

 - баланың билим алып атырғанлығы ҳаққында мағлыўматнама (егер оқып атырған болса);

 - бала туўылған орындағы ПҲАЖ архивинен усы балаға қарата туўылғанлық ҳаққында дәләлатнама жазыўы дизимге алынбағанлығы ҳаққында мағлыўматнама.

 

2-жағдай бала үйде туўылған болса.

Бунда, ата-ана жасап атырған ямаса бала туўылған орындағы ПҲАЖ органына төмендеги ҳүжжетлерди қосымша етип арза бериў лазым:

 - ата-ананың паспорты;

 - баланың усы анадан туўылғанлығына гүўа болғанлар қатнасында дүзилген ҳәм участка шыпакери (фельдшер ямаса акушер) тастыйықлаған дәләлатнама (дәләлатнама бала туўылған күнде рәсмийлестирилген болыўы шәрт);

 - дәләлатнама тийкарында участка шыпакери (фельдшер ямаса акушер) тәрепинен берилген мағлыўматнама;

 - баланың ден-саўлығы ҳаққында мағлыўматнама (поликлиникадан алынады);

 - баланың билим алып атырғанлығы ҳаққында мағлыўматнама (егер оқып атырған болса);

бала туўылған орындағы ПҲАЖ архивинен усы балаға қарата туўылғанлық ҳаққында дәләлатнама жазыўы дизимге алынбағанлығы ҳаққында мағлыўматнама.

 - Егер баланың усы анадан туўылғанлығына гүўа болғанлар қатнасыўында дүзилген ҳәм участка шыпакери (фельдшер ямаса акушер) тастыйықлаған дәләлатнама дүзилмеген болса, бундай жағдайларда баланың әйне сол анадан туўылғанлығы факты пуқаралық ислери бойынша суд тәрепинен белгиленеди.

 - Туўылғанлық ҳаққындағы гүўалық барлық ҳүжжетлер толық усынылған күни бериледи. Туўылғанлық ҳаққындағы гүўалық берилгенлиги ушын 25 830 сўм муғдарында жыйым өндириледи.

 

Дерек: Әдиллик министрлиги

скачать dle 10.6фильмы бесплатно



  • 22-05-2018, 12:13 |
  • 254