Өзбекстанға Россия Қорғаныў министри Сергей Шойгу рәсмий сапар менен келди

22-23-май күнлери рәсмий сапар менен Өзбекстанға Россия Федерациясы Қорғаныў министри, армия генералы Сергей Шойгу басшылығындағы әскерий делигация Ташкентте болыўы режелестирилген.

Өзбекстан Республикасы Қорғаныў министрлиги баспасөз хызмети Kun.uz'ға мәлим етиўинше, жоқары мәртебели мийман Россия Федерациясы Әскерий ҳаўа күшлерине қараслы арнаўлы самолёты менен 21-май күни кеште Ташкентке жетип келген.

Хабар етилиўинше, 22-май күни азанда Өзбекстан Қорғаныў министри генерал-майор Абдусалом Азизов Сергей Шойгуди күтип алыўы режелестирилген. Сапар даўамында еки мәмлекет қорғаныў министрликлери ортасында әскерий, әскерий-техникалық ҳәм әскерий билимлендириў жөнелислери бойынша өз-ара шерикшиликтиң келешектеги режелери бойынша сөйлесиледи.

Сондай-ақ, сапар шеңберинде Россия Федерациясы Қорғаныў министри Өзбекстанда жетик әскерий кадрларды таярлаўдың заманагөй процесслери менен Қураллы Күшлер академиясында танысыўы ҳәм ҳүкимет дәрежесиндеги бир қанша ушырасыўлар өткериў нәзерде тутылған.

 

Kun.uz берген соңғы мағлыўматқа қарағанда, Сергей Шойгу Ташкентте халық аралық ҳәм аймақлық қәўипсизлик мәселелерин додалайды, сондай-ақ, Россия-Өзбекстан шерикшилиги бойынша сөйлесиўлер өткериўи күтилмекте.

Россия қорғаныў министриниң баспасөз хаткери Россияна Марковскаяның мәлим етиўинше, Сергей Шойгу Өзбекстан Президенти Шавкат Мирзиёев тәрепинен қабыл етиледи.

Еслетип өтемиз, 21-май күни Шавкат Мирзиёев ҳәм Владимир Путин телефон арқалы Россия Президентиниң Өзбекстанға келиўине таярлық мәселелерин сөйлескен еди.

 

Аўдарма: makan.uz

 

 

скачать dle 10.6фильмы бесплатно



  • 22-05-2018, 11:15 |
  • 269