10-марттан баслап балық аўлаўға ўақтынша шеклеў қойылды

10-марттан баслап балық аўлаўға ўақтынша шеклеў қойылды

Өзбекистан Республикасы Тәбиятты қорғаў Мәмлекетлик комитети Өзбекистан Республикасы аймағында балықшылық қағыйдаларына муўапық, мәмлекет тәбийий суў бассейнлеринде балық ресурсларынан рационал пайдаланыў мақсетинде 2017-жылдың төмендеги дәўиринде балық аўлаўға шеклеў ҳаққында хабардар етти:
- 10-марттан 31-майға шекем Әмиўдәрья ҳәм Сырдәрья дәрьяларында;
- 25 апрельден баслап 10-июньға шекем Қарақалпақстан Республикасы ҳәм Хорезм ўәлаяты суў бассейнлеринде;
- 16-апрельден 31-майға шекем мәмлекеттиң басқа суў бассейнлеринде.

Қадағалаў дәўиринде барлық балық аўлаў менен шуғылланыўшы шөлкемлер ҳәм балық ресурсларын аўлаў менен шуғылланыўшы жеке исбилерменлер суў бассейнлеринен аў қуралларын алыўлары, складқа тапсырыўы ҳәм ҳайўанат ҳәм өсимлик дүньясы қорғалыўы бойынша инспекторлар гүўалығында мөрлеўи керек.

Балықлардың уўылдырық шашыўы шеклеў дәўиринде тәбийий суў бассейнлеринде моторлы қайықларда ҳәрекетлениўге тек ғана ҳайўанат ҳәм өсимлик дүньясын қорғаў бойынша мәмлекетлик инспекциясы қәнийгелери, аў хожалықларының хызметлерине ийе – тәбиятты қорғаў мекемелери тәрепинен рухсат бериледи.

Бул дәўирде спорт-ҳәўескерлик мақсетинде балық аўлаў моторлы қайықларынан пайдаланбай турып ҳәм 5 данадан артық болмаған қармақ муғдарында рухсат етиледи.

Өзбекистан Республикасының тәбиятты қорғаў бойынша аймақлық комитетлери Ишки ислер министрлиги ҳәм мәмлекетлик салық комитети инспекторлары менен биргеликте балық аўлаўға қойылған шеклеў дәўиринде урлық пенен аўлаў, балық ҳәм балық өнимлерин нызамсыз түрде өткериў менен гүресиў мақсетинде қадағалаў рейдлерин өткереди, деп хабар бермекте kun.uz.

Фото: kun.uz
скачать dle 10.6фильмы бесплатно



  • 10-03-2017, 18:25 |
  • 284