Өзбекстан «Миллий тикланиш» демократиялық партиясы Тақыятаc районлық Кеңесиниң баслығы тайынланды

 

 

2018-жыл 27-апрель күни Өзбекстан «Миллий тикланиш» демократиялық партиясы Тақыятаc районлық Кеңесиниң гезексиз I Пленумы болып өтти. Онда партия Тақыятас районлық Кеңесиниң ашылыўы ҳәм Тақыятас районлық Кеңеси баслығын сайлаў ҳәм де алдағы баслы ўазыйпалар, ис-илажлар белгилеп алынды.

Пленумда ӨзМТДП Қарақалпақстан Республикасы Кеңес ағзалары, ӨзМТДП Тақыятас районлық Кеңеси ағзалары, партия белсендилери ҳəм де ғалаба хабар қураллары ўəкиллери қатнасты.

Пленумды Өзбекстан «Миллий тикланиш» демократиялық партиясы Қарақалпақстан Республикасы Кеңеси Атқарыў комитети аппараты баслығы Л.Абдимуратов ашты ҳəм алып барды.

Өзбекстан Республикасы Олий Мажлиси Сенаты Кеңесиниң 2017-жыл 9-августтағы 214-III-санлы ҳәм Нызамшылық палатасының 2017-жыл 9- августтағы ҚҚ 1004-III-санлы қарарлары, сондай-ақ, Қарақалпақстан Республикасы Жоқарғы Кеңесиниң 2017-жыл 11-август күнги 17-сессиясының 151-XVII-санлы қарары менен жаңадан Тақыятас районы дүзилди.

Соннан келип шыққан ҳалда, Тақыятас районында партияның мақсет ҳәм ўазыйпаларын әмелге асырыў ушын районлық Кеңесин шөлкемлестириў ҳәм де Атқарыў комитети ағзаларын сайлаў мәселеси көрип шығылды.

Пленум күн тəртибиндеги екинши мәселе бойынша Өзбекстан «Миллий тикланиш» демократиялық партиясы Қарақалпақстан Республикасы Кеңеси Атқарыў комитети аппараты баслығы Л.Абдимуратов шығып сөйледи. Баянатшы өз сөзинде Пленум күн тәртибиндеги тийкарғы мәселе яғный ӨзМТДП Тақыятас районлық Кеңеси баслығын сайлаў мәселесине тоқталып өтти ҳәм бул ўазыйпаға Тажихожаева Зухра Расулбергеновнаның кандидатурасын усыныс етти. 

Усыныс ӨзМТДП Тақыятас районлық Кеңеси ағзалары тәрепинен мақулланды ҳәм усы лаўазымға Тажихожаева Зухра Расулбергеновна сайланды.

Күн тəртибинде көрилген барлық мəселелер бойынша тийисли қарарлар қабыл етилди.

 

Партия баспасөз хызмети

 

 

скачать dle 10.6фильмы бесплатно



  • 27-04-2018, 16:49 |
  • 363