Өзбекстан «Миллий тикланиш» демократиялық партиясы Нөкис қалалық Кеңесиниң баслығы тайынланды

2018-жыл 24-апрель күни Өзбекстан «Миллий тикланиш» демократиялық партиясы Нөкис қалалық Кеңесиниң гезексиз IX Пленумы болып өтти. Онда партия Нөкис қалалық Кеңеси тәрепинен 2018-жылдың биринши шерегинде əмелге асырылған жумыслар талқыланып, алдағы баслы ўазыйпалар ҳәм ис-илажлар белгилеп алынды.

Пленумда ӨзМТДП Қарақалпақстан Республикасы Кеңес ағзалары, Қарақалпақстан Республикасы Жоқарғы Кеңесине ҳәм халық депутатлары Нөкис қалалық Кеңесине ӨзМТДПдан сайланған депутатлар, партия ағзалары ҳəм де ғалаба хабар қураллары ўəкиллери қатнасты.

Пленумды Өзбекстан «Миллий тикланиш» демократиялық партиясы Қарақалпақстан Республикасы Кеңеси баслығы Т.Романов ашты ҳəм алып барды. Пленумда Нөкис қалалық Кеңеси тәрепинен 2018-жылдың биринши шерегинде Нөкис қалалық  Кенесиндеги депутатлық топар ағзалары тәрепинен әмелге асырылған жумысларға да тоқталып өтилди. Жыйналыста партия шөлкемлери ҳəм депутатлық топарлар искерлигин еледе күшейтиў бойынша əмелге асырылыўы лазым болған мəселелерге айрықша итибар қаратылды.

Пленум күн тəртибиндеги екинши мәселе бойынша Өзбекстан «Миллий тикланиш» демократиялық партиясы Қарақалпақстан Республикасы Кеңеси баслығы Т.Романов шығып сөйледи. Баянатшы өз сөзинде Пленум күн тәртибиндеги тийкарғы мәселе яғный ӨзМТДП Нөкис қалалық Кеңеси баслығын тайынлаў мәселесине тоқталып өтти ҳәм бул ўазыйпаға белгили өнермент ҳәм дизайнер Нурумбетова Айзада Бакбергеновнаның кандидатурасын усыныс етти.

Усыныс ӨзМТДП Нөкис қалалық Кеңеси ағзалары тәрепинен мақулланып, усы лаўазымға Нурумбетова Айзада Бакбергеновна сайланды.

Күн тəртибинде көрилген барлық мəселелер бойынша тийисли қарарлар қабыл етилди.

 

Өзбекстан «Миллий тикланиш» демократиялық партиясы Нөкис қалалық Кеңесиниң баслығы тайынланды

 

Партия баспасөз хызмети

 

 

скачать dle 10.6фильмы бесплатно



  • 25-04-2018, 12:07 |
  • 334