Мийўе-палыз экспортшыларына «Ўзбекистон темир йўллари» 50% шегирме жәриялады

Мийўе-палыз экспортшыларына «Ўзбекистон темир йўллари» 50% шегирме жәриялады

«Ўзбекистон темир йўллари» мийўе-палыз экспортшыларына 50% шегирме жәриялады.

Олар төмендегилерден ибарат:

Өзбекстан аймағында жаңадан жетистирилген мийўе ҳәм палыз егинлери және қайта исленген мийўе-палыз өнимлери экспорт жөнелисинде тасылғанда 50%ли шегирме қолланылады;

Шегаралас темир жол бәндиргилеринен 200 километр узақлықта жайласқан темир жол бәндиргилеринен рефрижератор секцияларда тасылғанында қосымша 30%ли шегирме унысылады;

Қазақстан аймағы арқалы Өзбекстанда жаңадан жетистирилген мийўе ҳәм палызлар, картошка ҳәм таўық гөшин алып өтиў ушын транзит тасыўларда 50% шегирме қолланылыўы тәртиби орнатылған;

Россия аймағына жаңадан жетистирилген мийўе ҳәм палызлар рефрижератор вагонларда алып кирилгенде Россия мәмлекети тәрепинен 50%ли шегирме қолланылады.

Исбилерменлерге қолайлық жаратыў мақсетинде толық мағлыўматлар алыў ҳәм ҳүжжетлерди рәсмийлестириў ушын «Ўзбекистон темир йўллари» АЖ аймақлық темир жол узеллери қурамында арнаўлы бөлимлер шөлкемлестирилди.

Бул шегирмелердиң берилиўи «Ўзтемирйўлэкспедиция» унитар кәрханасы арқалы әмелге асырылады.

 

Аўдарма: makan.uz

скачать dle 10.6фильмы бесплатно



  • 23-04-2018, 14:25 |
  • 230