Беруний районының ҳәкими Хорезм ўәлаятына ҳәким етип тайынланды

Беруний районының ҳәкими Хорезм ўәлаятына ҳәким етип тайынланды

 

Беруний районының ҳәкими Фарход Эрманов Хорезм ўәлаятының ҳәкими ўазыйпасын ўақтынша атқарыўшы етип тайынланды. Бул ҳаққында "Газета.уз" хабар бермекте.

Фарход Эрманов 1958-жылы туўылған. 1995-1998-жыллары Әмиўдәрья районы ҳәкими, 2004-2010-жыллары Қарақалпақстан Республикасы аўыл хожалығы министри, 2010-жылдан берли Беруний районы ҳәкими лаўазымында ислеп келген.

Мағлыўматта айтылыўынша, Хорезм ўәлаяты ҳәкимлигинде шөлкемлестириў мәселеси шемби күни Бас министр Абдулла Арипов қатнасыўында халық депутатлары ўәлаят Кеңесиниң нәўбеттен тысқары сессиясында көрип шығылған.

2017-жыл сентябрьден Хорезм ўәлаяты ҳәкими болып Собиров Илгизар Матякупович ислеп киятырған еди. Берилген мағлыўматқа қарағанда, ол ден саўлығына байланыслы жумыстан босатылған.

Мағлыўмат ушын айтып өтемиз, Өзбекстан Республикасы Президенти Шавкат Мирзиёевтиң мирәтине муўапық, 23-апрель күни Түркменстан Президенти Гурбангули Бердимухамедов мәмлекетлик сапар менен мәмлекетимизге келеди.

Гурбангули Бердимухамедов 24-апрель күни Хорезм ўәлаятына барады. Бул күни Үргениш районындағы «Уллы ҳәўли» естелиги, Хийўадағы «Ийшан қала» комплексине барыў ҳәм басқа мәдений илажлар режелестирилген.

 

Аўдарма: makan.uz

скачать dle 10.6фильмы бесплатно



  • 22-04-2018, 11:45 |
  • 650