Жерлер енди электрон аукцион саўдасы арқалы бериледи

Исбилерменлик ҳәм қаласазлық искерлигин әмелге асырыў ушын жер участкаларын турақлы пайдаланыўға бериў тәртибин түптен жетилистириў ис-иләжлары ҳаққындағы Президент қарары қабыл етилди. Бул ҳаққында Әдиллик министрлиги Телеграм каналында хабар берди.

 Қарар менен 2018-жыл 1-июлден баслап сондай тәртип белгиленди, оған муўапық:

юридикалық ҳәм физикалық шахсларға исбилерменлик ҳәм қаласазлық искерлигин әмелге асырыў ушын жер участкаларын турақлы пайдаланыўға бериў “E-IJRO AUKSION” бирден-бир электрон саўда майданшасында электрон аукцион арқалы әмелге асырылады;

 жер участкаларын бериў бойынша материалларды жыйнаў, көрип шығыў ҳәм ўәкилликли органлар ҳәмде шөлкемлер менен келисиў тек заманагөй мәлимлеме-коммуникация технологияларынан пайдаланған ҳалда электрон формада әмелге асырылады.

 Сол мүнәсибет пенен Министрлер Кабинетине юридикалық ҳәм физикалық шахслар исбилерменлик ҳәм қаласазлық искерлигин әмелге асырыў ушын жер участкаларын турақлы пайдаланыўға бериў тараўындағы норматив-ҳуқықый ҳүжжетлерди бир қыйлы етиў бойынша қарар қабыл етиў тапсырылды.

 Бас прокуратура ҳәмде «Давергедезкадастр» комитетине мәпдар кеңселер менен биргеликте еки ай мүддетте:

 - исбилерменлик ҳәм қаласазлық искерлигин әмелге асырыў ушын турақлы пайдаланыўға берилетуғын жер участкаларын ажыратыў бойынша материалларды жыйнаў ҳәм ўәкилликли шөлкемлер менен келисиў тәртип-қағыйдаларын орынлаў бойынша автоматластырылған мәлимлеме системасын ислеп шығыў ҳәм енгизиў, сондай-ақ, оның “E-IJRO AUKSION” бирден-бир электрон саўда майданшасы менен интеграция етиў;

 - исбилерменлик ҳәм қаласазлық искерлигин әмелге асырыў ушын  жер участкаларын турақлы пайдаланыўға “E-IJRO AUKSION” бирден-бир электрон саўда майданшасында электрон аукцион өткериў арқалы берилиўин шөлкемлестириўди тәмийинлеў жүкленди.

 Қурылыс министрлиги мәпдар кеңселер менен биргеликте еки ай мүддетте:

 - халық жасаў пунктлериниң бас планлары жойбарларына, аўыл пуқаралар жыйынлары аймақларын архитектуралық-режелестириўди шөлкемлестириў жойбарларына болған талапларды жойбарлардың қурамын, оларды келисиў тәртиби ҳәм мүддетлерин әпиўайыластырған, сондай-ақ, халық жасаў пунктлерин раўажландырыў ҳәм қурыўды планластырыў бойынша қаласазлық ҳүжжетлерин ислеп шығыў баҳаларын төменлетген ҳалда түптен қайта қурып шығыў;

 - халық жасаў пунктлери бөлеклерин анық планластырыў жойбарларын ислеп шығыў бойынша жумысларды қаржыландырыў да исбилерменлик субъектлери – мәмлекетлик жеке шериклик қатнасыўшыларына анық режелестириў жойбарларында көрсетилген шегералар шеңберинде жер участкаларын алыўға үстемлик ҳуқықын усынған ҳалда мәмлекетлик-жеке шериклик механизмлерин енгизиў;

 - халық жасаў пунктлери бас планларынан, аўыл пуқаралар жыйынлары аймақлары архитектуралық-режелестириўди шөлкемлестириў жойбарларынан олардың ашық график бөлегин Министрлер Кеңеси, ўәлаятлар ҳәм Ташкент қала ҳәкимликлери веб-сайтларында дағаза етиў арқалы ҳәммениң пайдаланыў имканиятын тәмийинлеўди нәзерде тутыўшы усыныслар Министрлер Кабинетине киргизиў тапсырылды.

 Есап-китап (смета) баҳасы 2 миллиард сўм ҳәм оннан жоқары болған объектлерди қурыў ҳәм реконструкция етиўдиң мәнзилли дизимин Ҳүкимет дәрежесинде тастыйықлаў;

- қурылыс (реконструкция, капитал оңлаў) баҳасы алдын дағаза етилген баҳасынан асқан социаллық ҳәм пуқаралық әҳмийетге ийе объектлер бойынша жуўмақлар бериў тәртиби бийкар етилди.

 

Қарардың толық тексти баспасөзде жәрия етилди.

 

скачать dle 10.6фильмы бесплатно



  • 21-04-2018, 11:44 |
  • 635