Медицина хызметшилерин мәжбүрий мийнетке тартыў енди тарийхта қалады

Медицина хызметшилерин мәжбүрий мийнетке тартыў енди тарийхта қалады

 

Өзбекстан Ден-саўлықты сақлаў министрлигинде социаллық тараў, атап айтқанда, медицина хызметшилерин дала ҳәм тазалаў-абаданластырыў жумысларына тартыўды сапластырыў бойынша берилген тапсырмалар орынланыўына арналған кеңейтилген видеоселектор жыйналысы болып өтти. Бул ҳаққында daryo.uz министрликке тийкарланып хабар берди.

Жыйналыста социаллық тараў хызметшилерин жәмәәтшилик жумысларына тартыўға шек қойыў бағдарында бир қанша ўазыйпалар белгиленди.

«Атап айтқанда, хызметшилер мийнет ҳуқықлары бузылыўының алдын алыў, олардың ҳуқықый билимлерин арттырыў, медицина хызметшилерин аўыл хожалығы, коммунал хожалық, абаданластырыў жумысларына мәжбүрий тартпаўын айрықша қадағалаўға алыў бойынша емлеўханалар кесиминде турақлы ислеўши комиссиялар шөлкемлестириў белгиленди», - делинген министрлик мағлыўматында.

Видеоселектордан соң ден саўлықты сақлаў министри Алишер Шодмонов медицина хызметшилерин мәжбүрий мийнетке тартыўдың аянышлы ақыбетлери ҳаққында өзиниң пикирин билдирди.

- Алдын шыпакерлер, мийирбийкелерди түрли жәмәәт ислерине алып шығыўға жол қойылған шығар, бирақ бүгин заман өзгерди, қатнас өзгерди. Медицина хызметшисин мәжбүрий мийнетке тартыў енди тарийхта қалады.

Ден саўлықты сақлаў системасының барлық бөлимлеринде басшылар соны аңлаўы керек, Президентимиз Шавкат Мирзиёевтиң халықшыл сиясаты мәжбүрий мийнет деген иллетти түп-тамыры менен жоғалтыўға, халық мәпин биринши орынға қойыўға қаратылған.

Системада жумыс ислеп атырған ҳеш бир хызметши енди мәжбүрий мийнетке тартылмайды. Көзбоямашылық, бир-биримизди алдаў менен бүгин өтиўи мүмкин, бирақ бул менен келешекти алдай алмаймыз, - деген Өзбекстан Ден саўлықты сақлаў министри Алишер Шодмонов.

Медицина хызметшилерин мәжбүрий мийнетке тартыў енди тарийхта қалады

 

Мағлыўмат ушын, Өзбекстан Президенти басламасы менен 17-апрель күни өткерилген видеоселекторда жыйналыс баслығы Бас министр Абдулла Арипов министр Шодмоновқа ҳәкимлерге емес, өзи басшылық етип атырған системадағы медицина хызметшилерине «адвокатлық етиўди» усыныс еткен еди

 

Аўдарма: makan.uz

скачать dle 10.6фильмы бесплатно



  • 21-04-2018, 11:37 |
  • 369