Рәсмий бийкарланды! Өзбекстанда автомобиль номерлери өзгертилмейди

 

Рәсмий бийкарланды! Өзбекстанда автомобиль номерлери өзгертилмейди

 

Өзбекстан Республикасы ИИМ ЖҲҚ Бас басқармасы Өзбекстанда автомобиль номерлери халық аралық номерлерге алмастырылыўы ҳаққында тарқалған хабарларды бийкарлады.

«Бүгин, 20-апрель күни интернет басылымларында ҳәм социаллық тармақларда автомототранспорт қураллары ушын әмелдеги мәмлекет номер белгилери алмастырылыўы ҳаққында түрли мағлыўматлар тарқалды.

Жоқарыдағыларға тийкарланып төмендегилерди мәлим етемиз.

Белгили, Өзбекстан Республикасы Министрлер Кабинетиниң 2017-жыл 2-марттағы «Миллий айдаўшылық гүўалығының ҳәм автомототранспорт қуралы дизимнен өткерилгени ҳаққындағы гүўалықтың жаңа үлгилерин енгизиў ис-илажлары ҳаққында»ғы 116-санлы қарарына тийкар автомотранспорт қуралы дизимнен өткерилгени ҳаққындағы гүўалықларды дизимнен өткериў ҳәм есапқа алыў системасына заманагөй информация-коммуникация технологияларын енгизиўди нәтийжели шөлкемлестириў мақсетинде 2017-жылдың октябрь айынан автомототранспорт қуралы дизимнен өткерилгени ҳаққындағы гүўалықтың жаңа үлгиси енгизилди.

Буннан тысқары, Өзбекстан Республикасы Министрлер Кабинетиниң 2007-жыл 27-июньдағы «Автомотранспорт қуралы ушын дизимнен өткериў мәмлекет номер белгилериниң жаңа үлиглерин енгизиў илажлары ҳаққында»ғы 131-санлы қарарына тийкар ҳәзирги күни әмелде болған автомототранспорт қуралы ушын миллий мәмлекет номери белгилериниң халық аралық талаплар ҳәм стандартларға муўапықлығын атап өтиў керек.

Өзбекстан Республикасы Президенти тәрепинен усы жылдың 18-апрель күни тастыйықланған ПҚ-3673-санлы «Инвестициялық жойбарларды әмелге асырыў ҳәм мәкемелик информация системалары жедел интеграцияланыўын шөлкемлестириў илажлары ҳаққында»ғы қарарына муўапық транспорт қуралларына тийисли қағаз ҳүжжетлерин, бул ҳүжжетлердеги барлық мағлыўматларды транспорт қураллары ийелериниң ID-карталарына киритилген ҳалда бийкарлаў, әмелдеги мәмлекет номер белгилерин халық аралық үлгидеги мәмлекет номер белгилерине алмастырыўды нәзерде тутыўшы, транспорт қуралларын есапқа алыў системасын жаратыў бойынша министрлик ҳәм мәкемелердиң усынысы мақулланған.

Буннан көринип турыпты, республикамыз аймағында транспорт қуралларын есапқа алыў системасын жаратыў, бул тараўға информация-коммуникациялық технологияларды енгизиў бойынша басқышпа-басқыш жумыс алып барылмақта.

Өзбекстан Республикасы Президентиниң қарарында болса тек ғана транспорт қуралларын есапқа алыўдың заманагөй системасын жаратыў ҳаққында сөз етилмекте», - делинген Өзбекстан Республикасы ИИМ ЖҲҚ Бас басқармасының «Kun.uz»ға жоллаған рәсмий жуўабында.

 

Аўдарма: makan.uz

скачать dle 10.6фильмы бесплатно



  • 20-04-2018, 20:04 |
  • 430