Физикалық шахсларға жеке тәртиптеги исбилерменлик түринде такси хызметлерин көрсетиў ҳуқықын бериў не болды?

Алдын хабар берилгенинде, 2018-жыл 11-апрельде Өзбекстан Республикасы Президентиниң «Исбилерменлик искерлиги тараўындағы лицензиялаў ҳәм руқсат бериў тәртиб-қағыйдаларын жәнеде қысқартыў ҳәм әпиўайыластырыў, сондай-ақ бизнес жүргизиў шәриятларын жақсылаў ис-иләжлары ҳаққында»ғы Пәрманына қол қойылды.

Пәрман жойбары усы жылдың 26-февралдан 13-мартына дейин Интерактив мәмлекетлик хызметлери бирден-бир порталында жәмәәтшилик додалаўынан өткен. Додалаўға қойылған жойбардың 6-қосымшасында сыйымлылығы 4 (төрт) жолаўшы орынға мөлшерленген жеңил автомобиллерге ийе борлған физикалық шахсларға жеке тәртиптеги исбилерменлик түринде такси хызметлерин көрсетиў ҳуқықын бериў нәзерде тутылған еди.

Додалаў даўамында додалаўда түскен усыныслар, пикирлерден келип шығып жойбарға тийисли өзгерислер киргизилген. Бул процессте физикалық шахсларға жеке тәртиптеги исбилерменлик түринде такси хызметлери көрсетиў ҳуқықын бериў мәселеси және бир мәрте қосымша үйренип шығыў ушын Пәрман жойбарынан ажыратып алынған.

Искерликти лицензиялаў тараўындағы сол ҳәм басқа үйрениў талап етилетуғын басқа мәселелерди қосымша үйрениўди тәмийинлеў мақсетинде Пәрманның 7-бәнтинде тийисли мамлекетлик органларына лицензиялаў ҳәм руқсат бериў тәртиплерин жетилистириўде даўам етиў ҳаққында тапсырма берилди.

Яғный, бул бағдарда жумыслар даўам етпекте.

 

Өзбекстан Республикасы Әдиллик министрлиги Мәлимлеме хызметинен

скачать dle 10.6фильмы бесплатно



  • 19-04-2018, 23:05 |
  • 853