«Өзбекстан Орайлық Азияны өзгертип атыр»

 

«Өзбекстан Орайлық Азияны өзгертип атыр»

 

Москвада Орайлық Азия ҳәм Россия шерикшилигине арнап өткерилген дөгерек сәўбетинде белгили экономист, Россия Илимлер академиясы хызметшиси Елена Кузьмина мине усындай пикир билдирди, деп жазады «Халқ сўзи онлайн».

Елена Кузьмина Орайлық Азиядағы заманагөй сиясий ҳәм экономикалық ўақыялар ҳаққында айтып, Өзбекстан аймақта толық жаңаша орын ийелеп атырғанын билдирди.

Россиялы эксперт өз баянатында кейинги жыллары Өзбекстан Орайлық Азиядағы тийкарғы “ньюсмейкер”ге айланғанын атап өтти. Аймақта бүгин гүзетилип атырған дерлик барлық процессте Өзбекстанның үлеси бар. Республикадағы ишки ҳәм сыртқы реформалар ҳәзирги күни қызғын додалаўларға себеп болмақта. Мәмлекеттиң ишки сиясаты ҳәм экономикасындағы өзгерислер оның сыртқы сиясатын нәтийжели түрде турмысқа ендириў ушын қолайлы шәраятлар жаратып атыр.

- Аймақтың көплеген мәмлекетлери дәл Өзбекстанға өз итибарын қаратып атырғаны бийкарға емес, - дейди Е.Кузьмина. – Рәсмий Ташкент Орайлық Азиядағы сиясатты анық белгилеп алған, оның баслы жөнелислери жақсы қоңсылық байланысларын раўажландырыў ҳәм тартыслы мәселелерди тыныш жол менен шешиўге қаратылған.

Бул бағдарда мәмлекетимиз тәрепинен әмелге асырылып атырған илажларға жоқары баҳа берген ҳалда, қәниге Тәжикстан ҳәм Қырғызстан менен қатнасықларда ерисилген жетискенликлер тарихый әҳмийетке ийе екенлигин айтты.

 

Аўдарма: makan.uz

скачать dle 10.6фильмы бесплатно



  • 17-04-2018, 14:40 |
  • 371