9-май ҳәр жылғыдан өзгеше белгиленеди

Екинши дүнья жүзлик урысы қатнасыўшыларын хошаметлеў ҳаққындағы Президент Пәрманы ҳәмде Еслеў ҳәм Қәдирлеў күнине таярлық көриў ҳәм оны өткериў ис-иләжлары ҳаққындағы Президент қарары қабыл етилди.

Қарар ҳәм Пәрманға муўапық:

  -  екинши дүнья жүзлик урыс қатнасыўшылары ҳәм майыпларына 5 000 000 (бес миллион) сўм муғдарында бир мәртелик пул сыйлығы бериледи;

  -  екинши дүнья жүзлик урысының ҳәр бир катнасыўшысына, фронт арты мийнет ҳүрмети сазаўарларына, ғәрезсизлик жылларында хызмет миннетин орынлаў ўақтында қайтыс болған әскерий хызметкерлер ҳәм ҳуқық қорғаў органлары хызметкерлериниң шаңарақ ағзаларына материаллық ҳәм мәнәўий жәрдем көрсетиў мақсетинде тийисли министрликлер, кеңселер ҳәм басқа шөлкемлер, әскерий бөлимлер ўәкиллери бириктириледи ҳәмде усы тайпадағы шахсларды қутлықлаў мақсетинде олардың жасаў орнына басшылардың сапары шөлкемлестириледи;

  -  жалғыз ҳәм кем тәмийинленген Екинши дүнья жүзлик урысы қатнасыўшыларының турақ жайы ҳәм үй хожалықларын оңлаў, абаданластырыў бойынша тийисли ис-иләжлар әмелге асырылады;

  -  екинши дүнья жүзлик урысы қатнасыўшыларының қәлеўи тийкарында олар өзлери урыста болған мәмлекетлерге бир адам гүзетиўшиси менен сапары шөлкемлестириледи, усы сапар менен байланыслы болған бәрше қәрежетлер қапланады;

  -  екинши дүнья жүзлик урысы ҳүрметке сазаўар болғанларының қәлеўи тийкарында Ялта ҳәм Кисловодск қалаларындағы «Өзбекстан» ҳәмде республика аймағындағы басқа санаторийларға бир адам гүзетиўшиси менен бирге пулсыз жибериўди шөлкемлестирилип, олар зәрүр авиа ҳәм темир жол билетлери менен тәмийинленеди;

  -  Ташкент қаласында 2018-жыл 9-май саат 21-00 де Еслеў ҳәм Қәдирлеў күнине бағышланған байрам салюти шөлкемлестириледи.

 

Дерек: Әдиллик министрлигиниң Телеграм каналы

скачать dle 10.6фильмы бесплатно



  • 17-04-2018, 11:54 |
  • 543