Фото: Тақыятастан 2000 жыллық тарийхқа ийе қорған қалдықлары табылды

Қарақалпақстан Республикасы Тақыятас районы аймағынан 2000 жыллық тарийхка ийе Кушан империясы дәӯирине тийисли қорған қалдықлары табылды. Бул ҳаққында  Қарақалпақстан хабар агентлиги мағлыӯмат бермекте, деп жазады kun.uz.
Ҳәзирги ӯақытта бул жерде белгили археолог алым, Өзбекстан қаҳарманы Ғайратдин Хожаниязов басшылығында ӯақтыншалық археологиялық ислер алып барылмақта.
“Усы жылдың басында, 4-январь күни Тақыятас районы ҳәкимлигинен район аймағынан ески гүлалшылық ыдыслары табылғаны ҳаққында қоңыраӯ қылып айтылды, - дейди археолог. – Сол күни табылған гүзелерди маған алып келип көрсетти. Ертеңине сол жерге барып аймақты көзден өткердик. Ҳақыйқаттан да бул жерде ески тарийх излери көринбекте еди”.
Тақыятас районының “Кенегес” аӯыл пуқаралар жыйыны аймағынан табылған тарийхый қорған жергиликли халықты да бийпарық қалдырмады. Ол жерден табылған естеликлер район халық билимлендириӯ бөлимине қараслы 4-улыӯма билим бериӯ мектеби музейине тапсырылмақта.
Музей 2010-жылы мектептиң тарийх пәни оқытыӯшысы Аралбай Нуржановтың басламасы ҳәм де директоры Гүлшад Изтлеӯованың қоллап-қуӯатлаӯы менен ашылған. Ҳәзир бул жерде 1500 ден артық экспонат сақланбақта. Музейде табылмалардан тысқары тарийхый миллий кийимлер, тағыншақлар, мийнет қураллары менен танысыӯ мүмкин.

Фото: Тақыятастан 2000 жыллық тарийхқа ийе қорған қалдықлары табылды

 

Фото: Тақыятастан 2000 жыллық тарийхқа ийе қорған қалдықлары табылды

 

Фото: Тақыятастан 2000 жыллық тарийхқа ийе қорған қалдықлары табылды

 

Фото: Тақыятастан 2000 жыллық тарийхқа ийе қорған қалдықлары табылды

 

Фото: Тақыятастан 2000 жыллық тарийхқа ийе қорған қалдықлары табылды

 

Фото: Тақыятастан 2000 жыллық тарийхқа ийе қорған қалдықлары табылды

 

скачать dle 10.6фильмы бесплатно



  • 16-04-2018, 12:41 |
  • 399