«Ақмаңғыт қыйтақ жер хызмети» жумыс баслады

 

 

Ҳәзирги күнде елимизде аўыл хожалығын жедел раўажландырыў ҳәм қыйтақ жерлерден нәтийжели пайдаланыўды шөлкемлестириў баслы мәселелердиң бирине айланған. Сонлықтан да, Өзбекстан Республикасы Министрлер Кабинетиниң 2018-жыл 18-марттағы «Дийқан хожалықлары ҳәм қыйтақ жер участкаларынан үнемли пайдаланыўды шөлкемлестириў ис-илажлары ҳаққында»ғы қарарының орынланыўын тәмийинлеў мақсетинде  Нөкис районында бир қатар илажлар әмелге асырылмақта. Атап айтқанда, халықтың үй қапталы жер майданларына азық-аўқатлық егинлерин егиў жумысларын шөлкемлестириў бойынша жумысшы топар ҳәм штаб шөлкемлестирилип, оның қурамы тастыйықланды. Соның менен бирге, барлық дийқан хожалықлары ҳәм қыйтақ жер ийелериниң егислик жерлери хатлаўдан өткерилди, деп хабар бермекте район ҳәкимлиги. Районда жәми 9182 дийқан хожалығы ҳәм қыйтақ жер ийелери болып, оларда 829 гектар егислик жер майданлары бар. Ерте бәҳәрден 537 гектар жерлер егиске таярланып, бүгинги күнде пияз, капуста, картошка, сарымсақ пыяз ҳәм басқа да ерте писер дақыллар егилмекте.

– Пуқаралардың қыйтақ жерлерин сүрип бериў, егиске таярлаў, оларға туқым ҳәм нәл жеткерип бериў мақсетинде «Ақмаңғыт қыйтақ жер хызмети» жуўапкершилиги шекленген жәмийетин шөлкемлестирдик, — дейди усы жәмийет баслығы П.Жумамуратов.

– Енди жең түринип иске кирисетуғын пайыт келди. Себеби, ўақыт күтип турмайды. Алдағы ўақытлары халыққа хызмет етип, исенимин ақлаў нийетиндемиз, -дейди ол.

скачать dle 10.6фильмы бесплатно



  • 14-04-2018, 12:21 |
  • 182