Орайлық банк жаңа түрдеги купюралар шығарылыўын тастыйықлады

Орайлық банк баслығының биринши орынбасары Тимур Ишметов Spot.uz сайтына мәлим етиўинше, 2018-жыл даўамында үлкенирек номиналдағы банктнотты айланысқа шығарыў режелестирилмекте.

Январь айының басында Орайлық Банк 2018-жылғы ўазыйпалар қатарында майда купюраларды басқышпа-басқыш тыйынларға алмастырыў ҳәм ирирек номиналдағы банкноталар шығарыўды санап өткен еди.

Март айы орталарында Сенат 50, 100, 500 сўм номиналындағы жаңа үлгидеги тыйынлар, сондай-ақ, 200 сўмлық жаңа тыйынды шығарыў усынысын мақуллады. Бирақ банкнота ҳаққында сөз етилмеген.

Сол мүнәсибет пенен Spot басылымы Орайлық банкке мүрәжат етти ҳәм Орайлық банк баслығының биринши орынбасары Тимур Ишметовтан жуўап алды.

Жуўапта 2018-жыл даўамында ирирек номиналдағы банктнотаны айланысқа шығарыў режелестирилип атырғаны мәлим етилген.

Орнатылған тәртипке муўапық, банкноталар үлгилери ҳәм олардың дизайнлери Олий Мажлис Сенаты Кеңеси менен бирге Орайлық банк тәрепинен тастыйықланыўы, жаңа купюраны шығарыў бир қатар шөлкемлестириў-техникалық илажларды әмелге асырыўды талап етиўи айтылған.

Сондай-ақ, регулятор жуўабында Орайлық банк ҳәзирги ўақытта жаңа купюралар шығарылыўы анық сәнесин мәлим ете алмаслығын айтқан. Мүддетлер анықланғанда, бул мағлыўмат Орайлық банк рәсмий сайтында жайластырылады, деп хабар бермекте asr.uz.

 

Аўдарма: makan.uz

скачать dle 10.6фильмы бесплатно



  • 12-04-2018, 15:46 |
  • 761