Өзбекстанда «Машиналарсыз күн» енгизилиўи мүмкин

 

Өзбекстанда «Машиналарсыз күн» енгизилиўи мүмкин

 Фото: ЎзА

Өзбекстан Европада өткен әсирдиң 70 жылларынан берли халық аралық дәрежеде өткерилип киятырған «Машиналарсыз күн» акциясына қосылыўды режелестирмекте, деп хабар береди Sputnik.

Бул 2018-2022-жылларға белгиленген жол ҳәрекети қәўипсизлиги концепциясында нәзерде тутылған. Машиналарсыз күн ҳәптениң жума күни өткерилиўи режелестирилмекте.

Усы күни халық тәрепинен автотранспорт қуралларынан пайдаланыў дәрежесин кемейтиў, саламат турмыс түри ҳәм велосипедте жүриўди үгитлеў, сондай-ақ экологиялық орталықты асраўға бағдарланған арнаўлы акциялар өткериледи.

Акция жәмийетке автомобиллердиң ҳәдден тыс көбейиўи инсаният ҳәм тәбиятқа зыян екенин еслетиў, сондай-ақ, бул транспорт қуралының зыянсыз альтернативлери бар екенин көрсетиў мақсетинде шөлкемлестириледи.

Мағлыўмат ушын, машиналарсыз күн биринши мәрте 1973-жылы Швейцарияда өткерилген. Сол ўақытта мәмлекет ҳүкимети жанылғы қытшылығы себепли халықты төрт күнге автомобиль айдамаўға шақырған еди, деп жазады daryo.uz.

 

Аўдарма: makan.uz

скачать dle 10.6фильмы бесплатно



  • 11-04-2018, 15:21 |
  • 467