Үй-жай алды-саттысында коммунал хызметлерден қарыз жоқлығы ҳаққындағы пуқаралардың мағлыўмат алыўы басқышпа-басқыш тоқтатылады

«Питимлерди нотариал тастыйықлаў тәртибин мәкемелераралық электрон бирге ислесиўди қоллаған ҳалда жетилистириў ис-иләжлары ҳаққында»ғы 2017-жыл 27-февралдағы 106-сан қарарына қосымшалар киргизиў ҳаққындағы Ҳүкимет қарары (МК қарары-269, 06.04.2018-жыл) қабыл етилди.

Усы қарарға муўапық, көшпес мүлклерди алды-сатты, алмастырыў ҳәм саўға питимлерин тастыйықлаўда мәмлекетлик нотариал кеңсеси мәкемелераралық электрон тәризде бирге ислесиў системасы арқалы:

 -  2019-жыл 1-январдан Өзбекстанның барлық аймағында (Ташкент қаласы буған кирмейди) электр ҳәм газ тәмийинлениўи;

 -  2021-жыл 1-январдан баслап ыссылық тәмийинлениўи, суў тәмийинлениўи ҳәм водапровод суўларын шығарыў бойынша қарыздарлық ҳаққындағы мағлыўматларды ғәрезсиз алады.

Еслетип өтемиз, 2018-жыл 1-июлден баслап, Қарақалпақстан Республикасы ҳәм ўәлаятлардағы нотариуслар көшпес мүлклерди алды-сатты, алмастырыў ҳәм саўға етиў питимлерин тастыйықлаўда нотариуслар төмендеги мағлыўматларды пуқаралардан емес, ал ғәрезсиз рәўиште электрон бирге ислесиў арқалы автоматластырылған тәризде тексериўи лазым: 

 -  имәрат ҳәм сооружениелердиң қурамы ҳәм тийислилиги ҳаққындағы;

 -  салық төлеўшиниң идентификация номерин;

 -  турақлы пропискаға ийе шахслар ямаса ўақтынша есапта турыўшы (ўақтынша прописка қылынған) шахслардың паспортына тийисли мағлыўматларды.

Ташкент қаласында болса, 2017-жыл 1-июлден баслап, көшпес мүлклерди алды-сатты, алмастырыў ҳәм саўға питимлерин тастыйықлаўда талап етилетуғын ҳүжжетлерди (паспорт ҳәм кадастр ҳүжжетлер топламынан тысқары) нотариуслар ғәрезсиз түрде электрон бирге ислесиў арқалы тексериўи шәрт.

 

Дерек: @huqiqiymalimleme

 

скачать dle 10.6фильмы бесплатно



  • 9-04-2018, 17:46 |
  • 284