Электр, газ, ыссылық, суў тәмийнаты ҳәм суў шығарып таслаў тармақларына жалғаныў Мәмлекетлик хызметлер орайлары тәрепинен әмелге асырылады

Инженерлик-коммуникация тармақларына жалғаныў бойынша мәмлекетлик хызметлер көрсетиўдиң ҳәкимшилик регламентлерин тастыйықлаў ҳаққындағы Ҳүкимет (МК қарары-256, 05.04.2018-жыл) қарары қабыл етилди. Бул ҳаққында Әдиллик министрлиги Telegram каналында хабар берди.

Усы қарар менен:

Юридикалық ҳәм физикалық шахсларды электр, газ,  ыссылық, суў тәмийнаты ҳәм суў шығарып таслаў тармақларына жалғаныў бойынша мәмлекетлик хызметлер көрсетиўдиң ҳәкимшилик регламентлери тастыйықланды.

ҳәкимшилик регламентлерге муўапық:

 -  2018-жыл 1-апрелден баслап тутыныўшылар электр, газ, ыссылық, суў тәмийнаты ҳәм суў шығарып таслаў тармақларына жалғаныў ушын Мәмлекетлик хызметлер орайларына өзи келип мүрәжат етеди ямаса Бирден бир интерактив мәмлекетлик хызметлер порталында мәмлекетлик хызметтен электрон тәризде пайдаланыў ушын дизимнен өтеди;

 -  тутыныўшы зәрүр мағлыўматларды рәсмийлестиргеннен ҳәм сораўнамаға киргизгеннен кейин оны өзиниң электрон санлы имзәсы менен тастыйықлайды;

 -   электр, газ, ыссылық, суў тәмийнаты ҳәм суў шығарып таслаў тармақларына жалғаныў ушын  мәмлекетлик хызметлерди көрсетиў ушын ең кем ис ҳақының 10 проценти муғдарында жыйым өндириледи.

Мәмлекетлик хызметлер орайы рәсмийлестирилген электр тәмийнаты шәртнамасы түскеннен кейин бир саат ишинде бул ҳаққында тутыныўшыны мәлимлеме-коммуникация системалары аркалы хабардар етеди.

 

скачать dle 10.6фильмы бесплатно



  • 9-04-2018, 10:05 |
  • 897