Қазақстанлылар Ақтөбеде қурбан болғанлардың шаңарақларына 10 миллион теңге жыйнап берди

 

Қазақстанлылар Ақтөбеде қурбан болғанлардың шаңарақларына 10 миллион теңге жыйнап берди

 

Қазақстанлы исбилермен Айдин Раҳимбаевке тийисли компания хызметшилери Ақтөбе ўәлаятында автобус жанып кетиўи нәтийжесинде қайтыс болғанлардың шаңарақларына 10 миллион теңге (шама менен 31 200 доллар) жыйнап тарқатты. Бул ҳаққында Sputnik хабар берди.

Хабарда айтылыўынша, қайырхомлық илажларда компанияның 1300 хызметшилери ҳәм акционерлер қатнасқан.

«Көпшиликтиң перзенти жетим қалды, шаңараклар бир дегенде өз бағыўшысынан айрылды. Өкинишлиси, пулларды шаңарақларға рәсмий тарқатыў ушын бир ай ўақыт кетти. Бирак, биз сабыр менен күттик ҳәм ҳәр бир шанараққа барып ағайин халқымызға өз кеўлимизди айттық», - деп жазады социаллық тармақта Раҳимбаев.

Қурылыс компаниясы баслығының жазыўынша, айырым шаңараклар буған ҳайран қалған, айырымлары болса пулды алыўдан бас тартқан.

Еслетип өтемиз, 18-январь күни Қазақстанның Ақтөбе ўәлаятында Самара-Шымкент трассасында ишинде 57 адам болған автобус жанып кетти. Өрт нәтийжесинде 52 адам қайтыс болды, олардың ҳәммеси Өзбекстан пуқаралары еди. Бес адам – үш қазақстанлы ҳәм еки өзбекстанлы пуқара аман қалған, деп жазады daryo.uz.

 

Аўдарма: makan.uz

скачать dle 10.6фильмы бесплатно



  • 29-03-2018, 10:32 |
  • 422