1-октябрьден Өзбекистанда жаңа үлгидеги айдаўшылық гүўалықлары енгизиледи

1-октябрьден Өзбекистанда жаңа үлгидеги айдаўшылық гүўалықлары енгизиледи

Миллий айдаўшылық гүўалығының ҳәм автотранспорт қуралы дизимнен өткерилгенлиги ҳаққындағы гүўалықтың жаңа үлгилерин енгизиў илажлары ҳаққындағы Министрлер Кабинетиниң қарары тастыйықланды.

Миллий айдаўшылық гүўалығы үлгилериниң Жол ҳәрекети ҳаққындағы Конвенция (Вена қаласы, 1968-жыл 8-ноябрь) усынысларына муўапықлығын тәмийинлеў, миллий айдаўшылық гүўалықларын ҳәм автотранспорт қуралы дизимнен өткерилгенлиги ҳаққындағы гүўалықларды дизимнен өткериў ҳәм есапқа алыў системасына заманагөй информация-коммуникация технологияларын енгизиўди нәтийжели шөлкемлестириў мақсетинде Министрлер Кабинети Ишки ислер министрлигиниң миллий айдаўшылық гүўалығының ҳәм автотранспорт қуралы дизимнен өткерилгенлиги ҳаққындағы гүўалығының пластик көринисте таярланатуғын жаңа үлгилерин басқышпа-басқыш енгизиў ҳаққындағы усынысқа рухсат беретуғын қарар қабыллады.
1-октябрьден Өзбекистанда жаңа үлгидеги айдаўшылық гүўалықлары енгизиледи

2017-жылдың 1-октябринен баслап тийисли тәртипте миллий айдаўшылық гүўалығын рәсмийлестириўде – миллий айдаўшылық гүўалығының, автотранспорт қуралын дизимнен өткериўде (қайтадан дизимнен өткериў) – автотранспорт қуралы дизимнен өткерилгенлиги ҳаққындағы гүўалығының жаңа үлгилери бериледи;

Жаңа үлгидеги миллий айдаўшылық гүўалығы берилген күннен баслап 10 жыл мүддетке бериледи.

Әмелдеги миллий айдаўшылық гүўалықларын жаңа үлгидеги миллий айдаўшылық гүўалықларына алмастырыў 2017-жыл 1-окятбрь – 2018-жыл 31-декабрь дәўиринде – ески үлгидеги миллий айдаўшылық гүўалықлары ушын, олардың берилген сәнесинен бийғәрез – олар ийесиниң жазба арзасына бола ықтыярлы түрде;

2019-жыл 1-январь – 2020-жыл 31-декабрь дәўиринде – гөне үлгидеги барлық миллий айдаўшылық гүўалықлары ушын, олардың берилген сәнесинен бийғәрез – мәжбүрий тәртипте әмелге асырылады.
Автотранспорт қуралы дизимнен өткерилгенлиги ҳаққындағы гүўалығын жаңа үлгидеги гүўалығына алмасытырыў 2017-2020-жыллар даўамында басқышпа-басқыш – автомототранспорт қуралын мәжбүрий техникалық көриўден өткериўде әмелге асырылады.

Гөне үлгидеги миллий айдаўшылық гүўалықлары ҳәм автотранспорт қуралы дизимнен өткерилгенлиги ҳаққындағы гүўалықлар 2021-жыл 1-январьдан баслап ҳақыйқый емес деп есапланады.

Қарардың орынланыўын қадағалаў Өзбекистан Республикасы Бас Министриниң биринши орынбасары - «Ўзбекистон темир йўллари» АЖ басқарыўы баслығы А.Ж.Раматов ҳәм Ишки ислер министри А.А.Азизовке жүклетилген. Бул ҳаққында uz24.uz хабар бермекте.


Фото: mvd.uz
скачать dle 10.6фильмы бесплатно



  • 5-03-2017, 16:09 |
  • 1 162