Енди шетке нақ валюта алып шығыў ушын рухсатнаманы Нөкистиң өзинен алыўға болады

Физикалық шахсларға нақ сырт ел валютаны Өзбекстан Республикасы аймағынан тысқарыға алып шығыў ушын рухсатнама бериў тәртиби әпиўайыластырылды. Бул ҳаққында Әдиллик министрлигиниң @huqiqiymalimleme каналы хабар берди.

- Жаңа тәртипке муўапық, физикалық шахслар- резидентлер тәрепинен 5000 АҚШ доллары эквиваленти муғдарынан асқан нақ сырт ел валютаны Өзбекстан Республикасы аймағынан тысқарыға алып шығыў ушын рухсатнама Орайлық банктиң Қарақалпақстан Республикасы, ўәлаятлар ҳәм Ташкент қаласы Бас басқармалары тәрепинен бериледи.

- Буған шекем усы рухсатнама тек ғана Орайлық банк тәрепинен берилетуғын еди.

Ендигиден былай рухсатнама алыў ушын физикалық шахслар Орайлық банктиң аймақлық Бас басқармасына тийисли ҳүжжетлерди тапсырады.

Атап айтқанда, рухсатнама алыў ушын тапсырылатуғын нақ сырт ел валюта келип шығыўының дерегин тастыйықлаўшы ҳүжжетлер анықластырылып:

- усы ҳүжжетлер тайпасына алдын нақ сырт ел валюта сатып алынғанлығын тастыйықлаўшы банк мағлыўматнамасы,

- физикалық шахстың банкте ашылған есапбетлерине сырт елден келип түскен валюта қаржыларын шешилгенлигин тастыйықлаўшы банк мағлыўматнамасы

- нақ сырт ел валютаны сырт ел мәмлекетлерден алып келгенлигин тастыйықлаўшы бажыхана декларациясы киргизиледи.

Рухсатнаманы бергени ушын физикалық шахслардан төлем өндирилмейди.

Ҳүжжеттиң толық тексти менен www.lex.uz арқалы танысыўыңыз мүмкин.

скачать dle 10.6фильмы бесплатно



  • 14-03-2018, 10:14 |
  • 178