Өзбекстанда сержантлар таярлаў мектеплери өз искерлигин тоқтатты

 

Өзбекстанда сержантлар таярлаў мектеплери өз искерлигин тоқтатты

 

Шыршық, Самарқанд, Қаршы, Үргенш, Наманган қалаларында жайласқан Қорғаныў министрлиги системасындағы сержантлар таярлаў мектеплери өз жумысын тоқтатты. Бул ҳаққында Қорғаныў министрилиги хабар берди, деп жазды «Дарё» басылымы.

2001-жылы шөлкемлестирилген, 3 ҳәм 9 айлық оқыў курсларынан ибарат болған сержантлар таярлаў мектеплери искерлиги 26 бағдар бойынша киши командирлерди таярлаў ҳәм көнликпесин арттырыўға бағдарланған еди.

Сержантлар қурамы енди Өзбекстан Президенти Шавкат Мирзиёевтиң басламасы менен Самарқанд жоқары әскерий автомобиль командирлик-инженерлик билим журты орнына шөлкемлестирилген Самарқанд қаласындағы киши инжинерлерди таярлаў орайында таярланады.

Бул билим мәкемесинде 6 ай даўамында 11 жөнелис, яғный, инженерлик, автомобиль хызмети, радиациялық, химиялық ҳәм биологиялық қорғаныў, байланыс, фронт арты тәмийнаты, зырқлы техникаларға хызмет көрсетиў, артиллерия ҳәм қурғақлықтағы армиялардың ҳаўа ҳүжиминен қорғаў бөлимлери, радиоэлектрон разведка сыяқлы жөнелислер бойынша киши қәнигелер таярланады. Билим алыў жуўмағында әскерий хызметшилерге сержант дәрежеси бериледи.

Орайдың 3 айлық қайта таярлаў курсыларын табыслы тамамлаған аскерий хызметшилерге болса сержант ҳәм аға сержант дәрежеси бериледи.

 

Аўдарма: makan.uz

скачать dle 10.6фильмы бесплатно



  • 13-03-2018, 10:18 |
  • 314