Шағым: Нөкистеги тәбийғый газге ақша төлеў кассасындағы аўҳал қашан жөнге салынады?

Makan.uz сайтының Facebook’тағы мәнзилине (Makan.uz’ға белгили) Нөкис қаласы турғынынан видео-сүўретли шағым келип түсти. Шағым текстин нәзериңизге усынамыз.

«Ассалаўма алейкум, Нөкис қаласында тәбийий газден пайдаланғанлық ушын төлемлерди төлеў, қарызы жоқлығы ҳаққында мағлыўматнама алыў ушын аўҳал мынадай!

Шағым: Нөкистеги тәбийғый газге ақша төлеў кассасындағы аўҳал қашан жөнге салынады?

 

Бул қашан жөнге салынады?  Илтимас, буны хабарлап берсеңиз. Буны жөнлестириў керек!

134-болып жазылдым нәўбетке. Кассада еле 70-адамға да жетпеген. Биресе, 10-20 адамнан басқа кассаларға бөлдик, - дейди. Ишинде ислеўшилер өзлери не қылып жүргенин өзлери де билмейди. Тек кассаға басын тығып қалған адамлар бахытлы. Ҳеш ким менен иси жоқ, гезеги жеткенине қуўанысып жүр.

Газге барып жүрген адамлар бул жерди дәрриў таныйды. Қатынлар тоңқылдасып урысып атыр. Адамлардың көплигинен иште ҳаўа жоқ. Жүреги әззилери қыйналып атыр. Бул аўҳалды басшылар шешпесе, бул жағдай қашанға шекем даўам етеди?» - делинген мүрәжатта.

 

Бул мәселе бойынша тийисли шөлкемлер өз жуўабын Makan.uz сайтының info@makan.uz  электрон почта мәнзилине жоллайтуғынына үмит етемиз.

 

Видео көринистиң  Facebook камерасынан түсирилгенлиги себепли сайтқа жүклеў имканы болмады.  

Мүрәжат 12-март күни саат 10:35 ҳәм 12:39 да келип түсти.

скачать dle 10.6фильмы бесплатно



  • 12-03-2018, 14:15 |
  • 566