Телефоны тексерилгенде...

Бүгинги тез пәт пенен раўажланып атырған заманагөй мәлимлеме ҳәм электрон байланыс қураллары мүшкилимизди аңсат, жумысларымызды жедел алып барыўымызға тийкар жаратпақта. Лекин, теңгениң еки тәрепи болғанындай, унамсыз тәрепиде жоқ емес. Бул пикиримизди қолымыздағы суд қарарындағы төмендеги фактлер тастыйықлайтуғыны турған гәп.

1980-жылы Төрткүл районында туўылған, шаңарақлы, орта арнаўлы мағлыўматқа ийе, «Тазабағёб» аўыл пуқаралар жыйыны аймағында жасаўшы, «Мулла Садулла» жомъе масжидинде имам хатиб болып ислеўши А.Адамбаев  өткен жыл ноябрь айының 10-сәнесинде ҳуқық қорғаў уйымы хызметкерлериниң биргеликте алып барған илажы даўамында иркилди. Ҳуқықбузар А.Адамбаев өзиниң «Самсунг Home-2» маркалы қол телефоны ядында диний мазмундағы материалларды сақлап, бир нешше таныс-билислерине социаллық тармақ арқалы тарқатып келгенлиги анықланды ҳәм телефоны қалыс гүўалар қатнасында ҳүжжетлестирип алынды.

Телефоны тексерилиў нәтийжесинде анықланған А.Адамбаевтың ҳуқықбузарлық ҳәрекетлери суд уйымы тәрепинен ҳәр тәреплеме көрип шығылды ҳәм ең кем айлық ис ҳақының бес есеси муғдарындағы жәрийма жазасына тартылды.

 

Б.ҚУРБАНОВ.

 

Дерек: «Еркин Қарақалпақстан» газетасы

скачать dle 10.6фильмы бесплатно



  • 9-03-2018, 18:22 |
  • 1 234