Наўрызға байланыслы 5 күнлик дем алыс календарьда

 

28-декабрь күни Өзбекстан Президенти Шавкат Мирзиёев «Рәсмий сәнелерди белгилеў дәўиринде қосымша түрде ислемейтуғын күнлерди белгилеў ҳәм 2018-жылы дем алыў күнлерин көшириў ҳаққында»ғы пәрманды тастыйықлаған еди.

Ҳүжжетке муўапық, өзбекстанлылар Наўрыз байрамында избе-из бес күн дем алады: 18-март календарь бойынша дем алыс күни, 19-март – 17-марттан көширилген дем алыс күни, 20-март – қосымша ислемейтуғын күн, 21-март ислемейтуғын байрам күни ҳәм 22-март – 24-марттан көширилген дем алыс күни.

Әпиўайы қылып айтқанда, төменде қызыл менен көрсетилген күнлер – дем алыс күнлери есапланады.

 

Наўрызға байланыслы 5 күнлик дем алыс календарьда

Еслетип өтемиз, байрам сәнелерине арнап «Ўзбекистон ҳаво йўллари» Миллий авиакомпаниясы Наўрыз байрамы күнлери (18-22-март) республика ишиндеги  қатнаўларға шегирмелер жәриялады. 30%ли шегирмелер жеке жолаўшыларға, 40%ли шегирме болса туристлик топарларға (бес ҳәм оннан көп адам), 6 жастан 16 жасқа шекем болған мектеп жасындағы балалар, колледж, лицей ҳәм Жоқары оқыў орынларының студентлери ушын енгизилди. 50%ли шегирме еки ҳәм оннан артық адамнан ибарат шаңарақлар ҳәм 2-12 жастағы перзентлери менен жолға шыққан ата-аналар ушын енгизилди.

Шегирмелер 18,19,20,21 ҳәм 22-март күнлери республика ишинде әмелге асырылатуғын қатнаўларға енгизиледи.

Сондай-ақ, «Ўзбекистон темир йўллари» акционерлик жәмийети тәрепинен де Наўрыз байрамын белгилеў күнлеринде жолаўшылар ушын усы жылдың 18-мартынан 22-мартына шекем болған күнлерде жергиликли жөнелислерде қатнаўшы жолаўшы поездларында (сол қатары, жоқары тезликте ҳәрекетлениўши «Афросиёб» поездлеринде) шаңарақлық, жәмәәт, студентлер, оқыўшылар ҳәм пенсиядағылар ушын жол билетиниң тариф бөлегинен 50%ке шекем шегирме енгизилди.

 

makan.uz арнаўлы таярлады.

 

скачать dle 10.6фильмы бесплатно



  • 7-03-2018, 10:27 |
  • 559